बहारें दा इंतज़ार, ए कुसने कीता ऐ ?

इक झूठै कन्ने प्यार, ए कुसने कीता ऐ ?

धरती दे फुल्ल गास, कदें देन नेईं लगा,

माऊ दा तिरस्कार, ए कुसने कीता ऐ।

नफरत दे सैंख मंदरें, गुरद्वारें बज्जै दे,

ईश्वर गी शरमसार, ए कुसने कीता ऐ।

बझियें दे किस्से फ्ही, ए कु'न लिखै दा ऐ,

कलमें गी इ'यां ख्वार, ए कुसने कीता ऐ।

भागें दी माला फेरदे जीवन ठरी गेआ,

अग्गी गी ठंडाठार, ए कुसने कीता ऐ।

         ×      ×      ×      ×      ×

रौलें दे घोड़ें चढ़े दे, शैहरें गी पुच्छे कु'न,

खमोशियें दा हाल, ए कुसने कीता ऐ।

सुन्ने-दुआस मैहल, पुच्छो तां कूंदे नेईं,

कुसै बुरा ऐ हाल, ए कुसने कीता ऐ।