बे-मैहरमें दी कैह्रसी हीखी तूं लाई बैठी,
उज्जड़ें दे थाहर कैह्रसी धूनी रमाई बैठें ?
बहारें दे सुखने जेकर नज़रें बसाई बैठें,
पही ज़िन्दगी गी की तूं पतझड़ बनाई बैठें ?
माहनू दी बेकरारी तारे निं जानदे न,
पही तारें कन्ने की तूं, ए यारी लाई बैठें ?
मंज़ल पछान अपनी, रस्ता, सम्हाल अपना,
सफरै दे अद्दध-टाट्टै, की ढेरी ढाई बैठें ?
हीखी दी मछलियें हुन, हत्थें च नेइयों औना,
अक्खियें गी अपनी की तूं, डबरों बनाई बैठें ?