मत्तु सुदाइयें आस्तै दुनिया च कोई थाहर नेईं,
इश्क ते कोई किरत नेईं, ते शायरी कोई कार नेईं।
जिं'दी बरबादी धों पेआ मुंठ हा इस कहानी दा,
उं'दा गै एदे च दिक्खो, जिकर नेईं, कोई थाहर नेईं।
हुसन बरबादी दा बी, ऐ हुसन डलकां मारदा,
जैह्र पीना, सूली चढ़ना, सबनें दा किरदार नई।
गीत कोई गाया निं जा, कोई भाख बी लाई निं जा,
ज़िन्दगी औखा सफर, पर इन्ना बी दुश्वार नई।
'च'ऊं' जनें दे 'किस्सै' गी इतिहास कियां आखचै,
असल गल्ल ते 'लोक' न, राजें दा जै-जै कार नई।
ए कसीदा-खानियां, कलमें दी ए बे-हुर्मती,
जा, कलमकारें च तेरे आस्तै कोई थाह्र नई।
इक-बरोबर गम ते खुशियां, सबनें गित्तै होन जे-
तां मिगी परमेसरा दी सत्ता 'शा इन्कार नई।