उ'नेंगी के पता खामोशियें दा ताल-लै के ऐ,
जड़े रौल्लें च जम्मे ते पले, रौल्लें च गै मोए ?
चमकदे रंग फुल्लें दे, सगन्धी दी निशानी नेईं,
करीरें, मोतियें, कमलें गी गूढ़े रंग नेईं ध्ओए।
जि’नें फुल्लें गी डाडबा हा-- “उं’नें गै ब्हार आन्दी ऐ”,
नमें फुल्लें दे खिड़ने गै, बचारे कि’यां भलखोए ?
गली हिरखै दी ऐ यारो, कोई बनजै दी मंडी नेईं,
खुशी दी जिन्स दे बदलें, तां हौके-अथ्रू ध्ओए।
इ’नें तारें बचाऐं ते कदें ऊशा नेईं दिक्खी,
इ’नेंगी के पता पिच्छों, धरत-अम्बर कनेह होए।