सोचें बिना गै सबस गी मैह्रम बनाने आए आं,
फुल्लें दे बी, कंडें दे बी, गल हार पान्दे आए आं ॥
चाऽ रेहा, रुसदे कदे, कोई मनांदा आइयै,
अस गै म्हेशां रुस्से दे साथी मनांदे आए आं ॥
धोखे बी दित्ते मंज़ालें, ते हौंसले बी मंज़ालें,
'आई मंज़ाल', 'आई मंज़ाल' लाने लांदे आए आं ॥
अक्खरें रंगें च तेरा रूप ब'न्नने दा जतन।
उंजलें दरयाएं गी मिनदे-मनांदे आए आं ॥
एह रेत ऐ, सरेश्तां नेईं, एहदे चा निकलै तेल नेईं,
उ'न्दा हठ ऐ रेत दा अस अतर लान्दे आए आं।
रंग फं'गें दे ऐ दसदा, पैंछी हुन गान्दा नेईं,
आखदा ऐ ध्होआ केह, इच्चर जे गांदे आए आं ?
जि'न्दी दुआसी दिक्खियै, केईं काफले परतोई गे,
अस उ'नें बीरानियें चा गीत गांदे आए आं ॥
\#\# Page 102