उं'दा भरोसा तूं करें, क्या ए कुफ़र नेईं,
अपनी गै होश नेईं जि’नें, अपनी खबर नेईं ?
अकली दी लज्ज लम्मी बी, पूरी निं उतरदी,
चिन्ता दे खुहै नेही कोई, डूंहगी डबर नेईं।
लान्दा ऐ तिलक बाणिया, गान्दा ऐ आरती,
छिम्बदा ऐ बल्लें-बल्लें, ओ करदा उजर नेईं।
ठौंगर चराइयै लेई गेआ कोई पैसे आला चोर,
हुन्दी पुजारी दी कदें अपनी नज़र नेईं।
ए भीड़ ‘सरफरोशें’ दी देऐ दी हौसले;
दसदा कोई बी चीरियै अपना जिगर नेईं।
अनजान लोक, हादसे, रौला, बे-मैहरमी,
मेरा शैहर नेईं ऐ ए, मेरा शैहर नेईं॥
\#\# Page 122