रावण

स 'बनें दा मन-
सुन्ने दी लैंका दा लोभी,
रूप-सुरा दा ए तरेआया,
भोग-सुखें इसगी भरमाया,
लोभी, ऐबी, भोगी, ए मन-
इत्थै रावण।

मेरा मन बी, तेरा मन बी,
स 'बनें दा ए मन गै रावण!
जिसगी दुनिया राम समझदी
सौ बारी ओ निकल्लै रावण
अस सब रावण!

झगड़ा कैहदा?
लज्जा कोदी?
रावण बी हा महाज्ञानी
बेदें दा विद्वान बड़ा हा,
जग्ग-दान दे चरचे
अपनी-अपनी पर्देदारी,
किज पर्दे दे अन्दर रावण,
किज बेपर्दे नंगे रावण।

सब सीता दे चोर,
बभीखन बनदे सारे!
सब आखन ओ राम-पुजारी!
राम दा रूप-सरूप बनाइयै
रावण दी करनी पर पर्दा

पाई लैता तां राम बनी गे।
$\diamondsuit$