सुन्ने दियें सौंगलें च सब किश बञ्झी जन्दा,
एदे अग्गें मान्नियें दा मान सारा भज्जी जन्दा।
कवियें दा चित्त साथी, पारसा दी डली ऐ,
ते पारसा दी डली कदू सुन्ने कोला डरी ऐ!
इक गीतै बिच इक दुनिया समाई जन्दी,
निक्की-नेही चु’ब्ब एदी, प्राणें गी जगाई जन्दी।
चाननी-तफान, इ’न्दी अक्खियें दे शारे न,
पानिया दे सु’म्ब, इ’थै अग्गी दे म्हारे न।
सूरजा दी किरणें गी कैद कुसै कीता ऐ?
अम्बरा दे नीला गी कदै कुसै पीता ऐ?
लोऽ सच्ची कवता दी, चेतना जगाई जा,
प्राणें बिच नमियां गै हीरखियां सजाई जा। ✧