साथी हा इक सुडाऽ मेरा, अस हस्से-रोए हे,
धड़की दे सुर बी केईं बारी, आले बझोए हे ।
निश्चा अटल मुसीबतें दा मन बी मोही लै,
तूफान मेरी किश्ती दे सहारै गै होए हे।
छौरा बी अपना समझेआ बूटे दी ठंडी छां,
तुगी तुप्पदे, मी बैरिया, सहारे केह् थ्होए हे\!
रोने दे दाग उ'न्दे ते, कजलें छपैलै ले,
भोरैं गी भाएं फुल्ल जो रातीं धनोए हे।
के रोह-गिला ऐ उ'न्दे पर जो साथ छोड़ी गे,
अपने बी याद कर कहूं, ओह् अपने होए हे।
मेरे परैन्त गीतें गी तुसें गाइयै पुच्छना,
"मत्तु हा मोती उसने एह कि'यां परोए हे\!\!"