निकलो इस थाहरा निकलो, कोई शैल ठिकाना दिक्खो,
जिस थाहर निं कोई आगू, दाना ते सयाना दिक्खो।
चित्तें इच लम्बे छिंडे, सौ स्वारथ सोचें अन्दर,
यारें दा पही बी मिलना, मिलियै मुस्काना दिक्खो\!
चढ़दे लै चमक ही कैसी, जोरें च जलाल हा कैसा,
पही संजा उस सूरज दा, ढाला पेई जाना दिक्खो।
माहनू ईश्वर दी मूरत, ए बाख पुरानी झूठी,
ईश्वर दा ईश्वर अग्नें रोना, गिरेआना दिक्खो।
जीवन 'शा कोई नस्सी कायर धूनी पर बैठा,
लोकें दा उस्सै धूनी गी सीस नुआना दिक्खो।
ए रंग-बिरंगी दुनिया, रंगें पर लड़ी, मरदी,
सब रंग समींदे जित्थें, कोई ओ मैखाना दिक्खो॥