अ'न्ने अग्गें नच्चे, गीत बोलें गी सुनाए,
कुत्थें जल चाढ़े असें, कुत्थें हार पाए!
होंदा कदै इ'यां तां उ'आं होई जंदा,
स'बनें नकारें बेहिर्यै इ'थै लाने लाए।
गिनी-गिनी दिन कट्टे, कीते शुक्राने,
झूठी सग्गोसारिया दे ढोलकू बजाए।
केईं पूर डोबे इ'नें नामियें मलाहें,
इं'दे करी भौड़ें रज्जी जशन मनाए।
पैहरा देने कोला छुट्टी मालियें गी होई,
फल देने आले बूटे आपूं गै निं लाए।
सच जढ़ा आखै, उसी सारे देन गालीं,
केईं यार इस्सै करी बैरी न बनाए ॥