“नेईं अंकल, एदे च ना-मनासब गल्ल के ऐ? इ’यै जे में उस जागतै कन्नै ड्रामें च पार्ट कीता ऐ? ड्रामें च पार्ट करने बारें में मम्मी गी पुच्छी लेआ हा। मम्मी ने आखेआ हा, ओ भाएं इस गल्लै गी बुरा नेईं समझंदिया, पर पही बी ओ डैडी गी पुच्छी लैगन। पता नेईं उ'नें डैडी कन्नै गल्ल कीती जां नेईं ही कीता, पर रिहर्सलें पर जाने कोला कुसै ने मिग्गी मना नेईं हा कीता। कॉलेज दे ड्रामें च बी राजेश ने मेरे कन्नै ‘मेजर’ रोल कीते। ठीक ऐ जे इत्थें किज पुराने बचार दे लोक अजें कुड़ियें दा स्टेजै पर औना पसिंद नेईं करदे पर उ'न्दे बरोध दा मूल के ऐ? ओदे पिच्छें दलील के ऐ? तर्क के ऐ? इ’थै जे अजें तगर इ’यां नेईं होआ इस करी हुन बी नेईं होना चाहीदा। कमाल ऐ! ए बी कोई दलील ऐ? ना अंकल, गल्ल ऐ?''—
“बिलकुल गल्ल ऐ।'' अंकल द्वारी दे शीशे चा छनियै औने आले लोई दे लश्करें गी, सामनै कंधा पर सौ-सौ रूप बदलदे दिक्खियै मुस्कुरा करदे हे। उ'नें उस्सै बेध्यानी च आखेआ, “हां, गल्ल ऐ बेटी'' सुशमा गी उ'न्दे इस लहजे पर इस बेरुखी पर बड़ा रोह आया।
द्वारी दे बाहर युकलिप्टस दी डाली दे लम्भे-लम्भे पत्तरें दा नाच सच्चें गै सुन्दर हा, पर सुशमा गी इस बेल्लें अपने अंकल दा ए कला-प्रेम रुचेआ नेईं। उसने उ'न्दे पासै घूरियै दिक्खेआ। उ'न्दे नैनें च, ओठें पर उ'थै बेफ़िकर मुस्कान ही। “हां बेटी, ए गल्ल बिलकुल गल्ल ऐ।'' उ'नें सुशमा पासै दिक्खियै बल्लै जनेही आखेआ।
“के गल्ल गल्ल ऐ अंकल? तुसें गल्ल ते मेरी सुनी गै नेईं।’'^
“सुनी की नेईं, में सब सुनी ऐ। तेरे डैडी बड़े समझदार आदमी न सुशी! उ'न्दा मान-आदर ऐ, उ'न्दी गल्लै गी नेईं मन्नना बिलकुल गल्ल गल्ल ऐ। अस दोए भाएं जमाती आं, पढ़ने च में तेरे डैडी कौला तेज बी हा, पर दुनियादारी दियें गल्लें च में तेरे डैडी गी अज्जै दा ‘मनु’ समझनां। उ'न्दी न ज़र बड़ी दूर दिखदी ऐ, हां!''
“एदा मतलब ऐ जे ओ कदें गल्त गल्ल सोची गै नेईं सकदे? गल्त कम्म करी नेईं सकदे? पर अज्ज तु'न्दे उस्स प्राचीन मनु दी किन्नी मान्यता ऐ अंकल? जदूं मनु ने अपनी ओ स्मृति लिखी ही, अदू कोला अज्जै तकर ए दुनिया किन्नी बदली गेई ऐ। जीवन धारा दी गति गी कोई मनु, अपने बनाए दे नियम-कानूनें च अज्जै तगर ब'न्नी नेईं संकेआ। ए दरया बड़ा मुँहजोर ऐ। ए अपने कंडे आपूं बनांदा चलदा ऐ, आपूं ढांदा चलदा ऐ।''
सुशमा दा ए दार्शनक लहजा सु नियै अंकल हस्सी पे।
सुशमा ने उ'न्दे बक्खी रोहै कन्नै दिक्खेआ। “के गल्ल? ए गल्त ऐ अंकल?''
"गल्ल के ए-ते ठीक के ऐ? एदा फैसला कु'नै करै सुशमा! अस लोक उमरी च बड्डे आं, असें दुनिया दी ए खेड मती दिक्खी दी ऐ। अस अपणे अनुभ्वें गी सामनै रक्खियै जड़ी गल्ल आखने आं,ओ तुस जुआन लोक पसंद नेईं करदे। तुस आखदे ओ- तजरबा कोई चीज नेईं, ते तुस जिस बेल्लै अपणे जोश ते उत्साह गी, अपनी अकली दी गै लोऽ समझन लग्गी पौंदे ओ, तां असें लोकें गी हासा आई जन्दा ऐ। तेरे डैडी आखदे न जे उस जगतै च ऐब-दोष भाएं कोई नेईं पर गुण बी ते कोई नेईं। जीवन दे खाके च रंग भरने आली कोई खास गल्ल ओदे च नेईं- बस ओ ते सिर्फ सो-सो (So, So) ऐ तेरे डैडी दी ए गल्ल ते ठीक ऐ। भावुकता च नशा मता हुन्दा ऐ, पर ओदी उमर किज बी नेईं। ते जीवन इक 'शार्ट स्टोरी' नेईं, कोई कहानी नेईं, ए इक उपन्यास ऐ। इक केन्द्र-बिन्दू पर नजर रक्खियै कहानी भाएं बनी जा, पर उपन्यास दी रूप-रेखा बिंद धीरज मंगदी ऐ, दूर-अंदेशी दी लोड़ हुन्दी ऐ उस रूपरेखा गी बनाने आस्तै। ए कोई स्टेज दा ड्रामा बी नेईं ऐ बेटी, इक रातीं दी ट्रैज्डी जां इक रातीं दी कामेडी, सुशमा, तूं चली कुत्थें?"
"में आई अंकल, में दिक्खा करनी आं तुं'दा 'मूड' बनै करदा ऐ। तुं'दे आस्तै काफी दा इक प्याला बनाई आनां।" अंकल हस्सी पे।
सुशमा दे जाने पर अंकल ने सिगरेट लाया ते सोफे पर, अराम कन्ने बनकदे होई उस कमरे दियें चीजें पर नजर जुड़ाई। कमरे च सिर्फ इक तस्वीर टंगी दी ही। मार्डन आर्ट दी कृति- ख'ल्ल लिखे दे अक्खर उ'नें कोल जाियै पढ़े-'चन्द्र यात्रा दी तांघ।' तस्वीरा च उत्सुकता कन्ने फैली दियां चमकदार अक्खीं-अम्बरै पासै चकोई दियां! अपनी लाचारी दा प्रतीक!
तस्वीर दिक्खियै, सुशमा दे अंकल ने जि'यां किज परेशानी जन सेही कीती। उ'नें दो-त्रै बारी गला ल्हायै अपनी शर्ट दे कालै रें च उसी ठीक करने दा जतन इ'यां कीता जि'यां ए अलख, तस्वीर दिक्खने करी नेईं, कालै रें करी होई ऐ।
'कमाल ऐ ए नमीं पीढ़ी बी! सारे कमरे च इक्कै तस्वीर ऐ, ते ओ बी इस चाल्ली दी - लचारी, बेबसी दी मौन मुद्रा! अस लोक अपणे कमरे च म्हेरां रंग-बरंगी ते रौंसलियां मूरतां लाना पसंद करदे हे। देस-भगतें जां देवी-देवतें दे चित्र! उ'आं गल्ल ते ठीक आखदी ऐ सुशमा, मनु गी होए दे, पता नेईं किन्नियां सदियां बीती गेइयां न। इत्थें साढ़ा ते इ'न्दा, इक पीढ़ी दा फर्क ऐ, पर जि'यां कोई मेल गै नेईं दोनें च!'
सुशमा ने ट्रे तरपाई पर रक्खी दित्ती। अंकल ने पुच्छेआ- "ते अपने आस्तै?"
"में काफी घट गै पीन्नी आं अंकल। मिगी चाह, दुद्द, किसे दी आदत् नेईं। इसै उमरी च इ'नें चीजें दी आदत................।"
'तुस ए 'स्नैक्स' बी लौ ना।'
"ए तस्वीर सुशमा? कुन्ने बनाई ऐ ए? तूं पेंटिंग बी करनी ऐं?"
"नेईं, ए में नेईं बनाई। ए उस्सें राजेश ने बनाई ऐ!"
"के बनाया ऐ उस्सने"
"मिम्मी इस्सै गल्ल पर कई बारी सोचेआ ऐ। की बनाया ऐ उसने इस चाल्ली दा चित्र? पर में उसी जाननी-पछाननी आं। कला जेल्लै जीवन दे अक्स लेइयै चलग तां इस्सै चाल्ली दे
चित्र बणाग। होर के? काल्पन्क नंदन बागें दा चतेरा जां ते कोई सुरगा दा जीवन होग जां अपनी कला कन्नै द्रोह करने आला बपारी।”
“ना, पर उसने एदे च बनाया के ?”
“चन्नै पर जाने दी तांहग”
“चन्नै पर जाने दी तांहग? के मतलब ऐ इस तांहगा दा ? धरती दे इ'नें लाचार जीवेंदियें अखियें च ए तांहग के अर्थ रखदी ऐ?”
“अर्थ की नईं रखदी अंकल? जेड़े गरीब, कराए दा इक कच्चा कोठू लेइयै रौहन्दे न, ओ जे मनै च बागें दे सुखनै दिख्कन तां जुर्म बी के ऐ ? लचार लोक नराशा ते बेबसिये च इ'नें काल्पन्क तांहगें दै स्हारें जे दो घड़ियां अपने यथार्थ गी छली लैन्दे न तां बुरा बी के ऐ?”
“ए दो घड़ियां अपने यथार्थ दे गुं'जलें गी खोलने च बी ते लाइयां जाई सकदियां न !”
“इसी करी जे तांहग इ'नेईं उ'ने गुं'जलें गी नज़र-अंदाज़ करने दी प्रेरणा दिन्दी ऐ। अपने अपने मनै दा जड़ा चन्न ऐ, उसी पाने दी तांहग कुसगी नईं हुंदी, अंकल ? तुसेंई नईं ए? मनु दा इन्ना चेता तुसेंई की औंदा ऐ? मनु उस वर्ग-मरजादा दा समर्थक जे ऐ, जेदे च समाज इक केईं मंजलां ऊंची बिल्डिंग आंगुर ऐ, जेदे च किज लोक खु'ल्ले, हवादार, अरामदेह कमरें च मौज करदे न ते किज ख'लकी तंग न्हेरियें बदबूदार कोठरियें च मजबूरी दी गुजरान करदे न। ते दोए समझदे न जे ए सब विधाता दी अदालती दे फैसले मताबक ऐ। इस करी उप्परले दी लोई पर ते नरोई हवाउ पर ख'लकैं दा कोई दाऽवा नईं, कोई हक नईं, ते उप्परलें गी ख'लके कमरें दे सि'ल्ल, नेरा ते गंदी हवा च हिस्सेदार बनने दी कोई, किसै चाल्ली दी मजबूरी नईं। मनु ने उप्परली मंजलै दे लोकें दी केईं सदियां सेवा कीती पर चन्नै पर जाने दी तांहग जगाने वालियां ए बागी हवामां पता नईं कुत्था आई गेइया जे उ'नें, उस ख्याली अदालती दे मुहाफ़ज़खाने गी कबाड़खाने च बदली दित्ता! उ'नें फाइलें दा अज्ज इन्ना गै महत्त्व ऐ जे उ'दे नमूनें गी कुतै रिसर्च केन्द्रें च जाई रक्खेआ ज ते उ'न्दे पर लखोए दे अक्खरें दा मनोवैज्ञानिक विश्लेषण कीता जा। की अंकल गलत ऐ ?”
अंकल काफी दे प्याले गी त्र'ऊं ऊंगलियें कन्नै चुक्कियै ओठें कोल लेई जाइयै बी रुकी गेदे हे। सुशमा पास्सै दिख्खै करदे हे। ओठें पर हल्की जनेही मुस्कान ही, अखियें च खिंझ ही, बोले:
“ठीक ऐ, मनु बड़ा पुराना होई गेआ, पर ए कर्मफल बी झूठ ऐ। चंगे-माड़े कम्मे दा कोई फल नईं हुन्दा?”
“हुंदा की नईं अंकल, हुंदा ऐ। कर्मै दा फल ते निकल्दा ऐ पर चंगे माड़े दी गै परिभाषा अजें तगर नईं होई सकी। मनु कोला बी नईं ही होई सकी। अचला दी कहानी ते तुसें बी सुनी ऐ ना?”
अंकल ने काफी दा प्याला तरपाई पर रक्खी दित्ता ते सिगरेट लान लग्गे, बोले नईं।
“तुसें सुनेआ ना अंकल, ओ अज्जकल किन्नी सुखी ऐ। पैसे आला आदमी तुप्पी लेआ ऐ उसने। कार ऐ कोठी ऐ, बाग ऐ, माली-नौकर सब किज ऐ। इक्कै ब'रे च किन्ना किज होई
आ। ओदे घरै आले ने आखदे न दस हजार रपे लेइयै लिखी दित्ता जे उसने अचला गी तलाक ई दित्ता ऐ। अदालती ने अचला गी बंधन-मुक्त करी दित्ता ते अज्ज ओ अचला, गरीब घरैआले मुँहज़ोर धर्मपत्नी, इसै नग्गरै च सुखी जीवन बिता करदी ऐ।”
“ए सुखी जीवन ऐ सुशमा? तूं बी इसी सुखी जीवन समझनी ऐं?”
“दुखी बी कि 'यां ऐ अंकल?”
“ओदी उमर?”
“दोनें दी अपनी-अपनी उमर ऐ। दुनिया सौ गल्लां करै पर अचला ने ओदी उस उमरी दे वजूद नमां घर तुप्पी लेआ ऐ। दयालबाबू, स्टील सिंडीकेट दा मालक होने करी नग्गरै दियें केइयें था-संस्थाएं दा संरक्षक ते ऐ गै हा, हुन इक 'सुखी ग्रिस्थी' दा गौह दी उसी ऐ। ओरे बे-रौनक वने च इक नमीं गहमागहमी आई गेई ऐ। दयाल बाबू पर लोक सौ व्यंग करन पर अचला दे ई जाने करी ओ जि 'यां मुड़ियै जीवने दे रौंसले रस्ते च पुज्जी गेआ ऐ।”
“में दयाल बाबू दी गल्ल नेईं करै करदा, अचला बारे सोचा करनां। ओदा ए सुख किन्ना च्चा ऐ? ओदी ए खुशी किन्नी वास्तविक ऐ?”
“समाज दी नजरें च, जां ओदियें ते दयाल बाबू दियें नजरें च? सुशमा ने मुस्का़रान्दे होई
च्छेआ।”
“में हत्थ जोड़ियै प्रार्थना करनां जे तुस लोक इत्थों चली जाओ। ए साड़ा घरै दा झगड़ा ऐ।
दी सुलह होई गेई ऐ।” लोक हैरान होए, रोहे होए, नराश होए ते चली गे। थोड़े चिरै दयाल बू दी मोटर हाते चा निकली। अचला मोटरा च बैठी दी हस्सा करदी ही।
“ते ओदा घरै आला?”
“अंकल, घरै आला चुप गै होना ऐ। रोआ नेईं हा करदा ते ना गै दुहाई देआ करदा हा। लह जे होई गेई ही।”
“के सुलह होई ही? गरीब आदमी गी दयाल बाबू ने लुट्टी लेआ, होर के? रावण ने सीता ....
..........
“नेईं अंकल, इ 'यां आखो जे सीता ने रावण गी ते ओ बी राम दी सलाही कन्ने। राम गी दस जार रपेआ नकद जे थ्होई गेआ हा ते कन्ने मुँहज़ोर सीता कोला खलासी होई गेई ही।”
“तां इ 'यां आखो जे पैसे दे रावणै, इक मासूम घरै दी खुशी लुट्टी लेई!”
“सेही ते इ 'यां नेईं होंदा, अंकल! उस घरै दी खुशी च अचला दा बी ते किज हिस्सा ऐ हा। चला हुन नमें वातावरण च बड़ी खुश ऐ। दयाल बाबू दा जीवन बी रौंसला होई गेआ ऐ ते चला दा घरै आला, सुनेआ ऐ हुन आखदा फिरदा ऐ- “अचला दी बदौलत में हुन बड़ा सुखी। अचला दा सामनै में म्हेशां कनजोए दा गै रेहा, अपराधी-जन। ओ होर चाल्ली दी कुड़ी ही, : पिंजरे दियें तीलियें च इन्ना ज़ोर नेईं हा जे उसी डक्की रखदियां। ते डक्की रक्खने च गै कोई!-स्वाद नेईं हुन्दा। मनै दा मेल गै जे नेईं तां समाजी बन्धनें दा दिखावा किस अर्थ!” सुशमा ने :करायै पुच्छेआ- “की झूठ ऐ अंकल?”
“में समझानां, सच, व नेईं। दयाल बाबू पंजा्ह टप्पी गेदे न, अचला अजें छब्बी-सताइयें दी ऐ। 50-55 दी बी गल्ल नेईं। दयाल बाबू मोटरा दे बग़ैर दस गज थाहर नेईं चली सकदे। शैहरा च इस गल्ला दी बड़ी चर्चा ऐ जे अचला रोज मूंह-न्र्हैं, दयाल बाबू गी सैर करान लेई जन्दी ऐ। शैहरा दे बाहर सड़क्कै पर उ'नेंई बल्लें-बल्लें डडांदी ऐ। आपूं हैड लाइट्स ऑन (करियै उं'दे पिच्छें-पिच्छें मोटरै गी बल्लें-बल्लें चलांदी ऐ। दयाल बाबू इस उमरी च ए के द्राबड़ प्राणायाम करै करदे न!”
सुषमा जोरै कन्नै हस्सी पेई। “अच्छा छोड़ो इस गल्लै गी अंकल। कर्मफल, समाज दियां नजरां अचला, दयाल बाबू ते अचला दा घरै आला- मनु अज्ज हुंदे तां उ'नेंई अपनी स्मृति च किज नमें ध्याऽ लिखने पौने हे।”
“नमें ध्याऽ लिखने आले नमें मनु ते अस-तुस गै आं सुशी, पर अचला दी ए क्हानी ते तेरे डैडी दी गल्ला दा गै समर्थन करदी ऐ। ओदे घरैआले बचारे च होर के कमी ही? इ'त्थै जे ओ गरीब हा, ते अचला सुखने दिखदी ही कोठी दे, मोटरै दे! राजेश बी ते इक गरीब पिता दा गै जागत ऐ?”
“सवाल गरीबी दा नेईं हा अंकल, सवाल आत्मा दा हा। अचला मित्ती दी कोई खडाल नेईं ही। पढ़ी-लिखी दी, त्रिक्खे सुभाऽ-स्वातमें आली ही। उसी अपनी भावनाएं ते ताहंगें मताबक साथी नेईं मिलेआ। दोनें च व्यक्तित्व दा फर्क हा। समाज अज्जै तगर इ'नें रिश्तें आस्तै सिर्फ उमरें गी गिनदा-मिनदा रेहा ऐ। कुल-कबीले दियां कत्थां मेलदा रेहा ऐ। सुभाऽ-स्वातम, आस्था-रुचि, ए गल्लां कंदें ओदे ख्यालें च आइयां गै नेईं। इस्सै करी अज्ज समाजै च बेचैनी ऐ, रौला ऐ, बग़ावत ऐ?”
“सुषमा!” सुषमा दे डैडी दा आला सुनचेआ। “सुनेआ तूं? बाहर आ हां, ए माल्ली के खबर लेई आया ऐ।”
सुषमा ते ओदा अंकल दोए जने बाहर आई गे।
“माल्ली आखा करदा ऐ- “अचला देवी, दयाल बाबू गी छोड़ियै पता नेईं कुत्थें चली गेई ऐ!”
अंकल ने दिक्खेआ सुषमा दा चेहरा पीला होई गेआ ऐ। ✧