बड़ा इतिहास इ 'न्दा, चरज इ 'न्दी कहानी ऐ,
रूप इन्दा मैला मैला, सूरत नमानी ऐ !
कला कारीगिरै आली समझ निं आवै किश,
ओठें पर हासे इ 'न्दे, अक्खियें च पानी ऐ !
लाबे न दोआसियें दे रंगें च रंगोए दे,
देहू च न पीड़ां -जन, प्राण घटोए दे।
सूंके ने भरोची दियां छातियां न सिल-जन,
मनै बिच काले जि 'यां डिग्गल कठोए दे !
कदै ए बी जीन्दे आंगू, जीन रेहियां जीन्दियां,
कदै ए बी गैरतू दा जल रेहियां पीन्दियां,
कदै इ 'न्दे गित्तें ए धरती चगान ही,
कदै इ 'यां अक्खीं रेहियां इ 'न्दियां, निं नीन्दियां ॥
रंग न पुराने अज्ज, भुल्ली गेदी चाल ऐ,
लोक मीहने दिन्दे, ए ते मित्ती दा गै माल ऐ !
बोलना निं तुसें मूंहां, मुल्ल के पोआना ऐ,
सार भुल्ली आपूं, ताइयें अपना ए हाल ऐ ॥
मिगी ऐ भरोसा इ 'नें मूरतें ऐ बोलना,
इक दिन औना जदू मूंह इ 'नें खोलना।
छोलना ऐ नीर जड़ा अक्खियें बरुहाया ऐ,
बोलना निं कुसै जदू मूरतें ऐ बोलना ॥ ✧ [1953]