मेरे गीत

बड़ा औखा बदलना इस दुनिया दा, मेरी जिन्दे !
इसी बदले बिना, हिरखै गी साढे चैन नेईं औना ।
इ'नें दम घोटने आले दबाएं च घिरे रौहगे,
तां गीतें दी डोआरी लेई कुतै अम्बर नेईं रौहना ॥
मिगी अपने इ'नें गीतें दे असरें पर भरोसा ऐ,
ए हारे नेईं अजें तोड़ी, इ'नें नेईं हारना जिन्दे !
जे साढ़ा हिरख सच्चा ऐ, जे साढ़ी प्रीत सुच्ची ऐ,
समें दी औख पौनी ऐ असेंगी सहारना जिन्दे ॥
असें औखें गी केईं बारी करारी मात दित्ती ऐ,
रुकी दी धार जीने दी, जरा सुरकी बन्दोई ऐ ।
नमीं बत्तें दे आले, ओ, सुना करनी ऐं? सदै दे,
बझालो हिरख चित्तै दे, ए रुत आई नरोई ऐ ॥ ✧