ऐमनी

(ऋग्वेद दा इक मन्त्र)

बाऊ दे फनाकें बिच मिट्ठी-मिट्ठी ठार होऐ,
नाड़एं ते झरने दी मिट्ठी ठण्डी धार होऐ,
धरती दे रुक्खें-बूटें सुन्दर बहार होऐ,
दिन सुख देने आले, रातें च नखार होऐ,
स'बने पदार्थे च जिन्नी सरमत्थ होऐ,
माहनुएं दे भले गित्तै, माहनुएं दे हत्थ होऐ,
नाज-फल रसा कन्ने अति भरपूर होन,
सूरजा दी किरणें च पाप सारे दूर होन,
पशुएं दी दौलती च ऐमनी दा सार होऐ,
भुंञा पर, गासा पर, ऐमनी दी ब्हार होऐ ॥