पात्र-सूची
| पात्र | विवरण | आयु (अनुमानित) |
|
--- | :--- | :--- |
दृश्य १
संगीत
** वायलिन
मां
** सुनैना...!
सुनैना
** के ऐ मां?
मां
** राजू नै नाश्ता कीता?
सुनैना
** राजू बेचारे गी नाश्ता कुन्ने दित्ता ऐ अजें? पैहलें दफ्तर जाने आले ते जाई लैन। नौकर ने कद्दूं औना ऐ मां? छे-सत्त दिन ते होई गे न उसी गेदे।
मां
** ए गरीब लोक इन्ने बे-तवारे नेईं होंदे धिये! तनखाही दे पैसे ओ जि’यां जोड़दा रेहा ऐ, ओदे कोला गै पता लगदा हा जे ओदे मनै पर कुसै जिम्मेदारी दा बोझ ऐ... (वकफा) पैसे आले गै करदे न बे-तबारी दे नाटक। उ’न्दे आस्तै ते कुसै दे जीवन दा बी कोई मुल्ल नेईं होंदा।
सुनैना
** पर मां ए गल्ल तुसें उसलै नेईं ही सोची, जिसलै मेरा रिश्ता पक्का करन लग्गे हे?
मां
** मेरे सोचने, नेईं सोचने दी कुसगी परवाह ही?
सुनैना
** हुन कोई फायदा ऐ इस गल्ला पर झूरने दा? अपने-अपने नसीबें दा भोग ऐ मां। साढ़े घरै पर मन्हूस छोरा कनेहा ऐ? घरै-परवारै गी जेहड़ी नरोई हवा हरा-भरा बनांदी ऐ, ओ हवा साढ़ी इस कोठा च औंदी की झकदी ऐ?
मां
** अक्सर कोठियें दा रख-रखाव उस हवा गी रास नेईं औंदा, धिये।
सुनैना
** पर मां तुम्मी ते कोठी च गै रौहनी ऐं, तुगी ओ रख-रखाव की नेईं आया? तूं की अपने अन्दर गै सिमटी दी रौहनी ऐं? असेंगी बी तूं अपने गै इस सांचे च की ढालेआ ऐ? अपनी पसंद-नापसंद दा कोई कामना साढ़े च की नेईं जागन दित्ती? अपनी उलादी कन्ने एदे कोला बड्ढ होर जुल्म होई सकदा ऐ मां?
मां
** तेरे डैडी ने अज्ज दफ्तर नेईं जाना? दफ्तरा दी गड्डी की नेईं आई अजें?
सुनैना
** अफसर लोक जेल्लै जान, उ’थै उं’दा दफ्तर जाने दा टाइम होंदा ऐ। पर
डैड्डी बी के करन? उ'नें बचैंरै गी सारी तयारी आपूं करनी पौंदी ऐ। तूं सवेरै उं'दे कमरे च जाइये दफ्तर जाने आस्तै तयार होने च उं'दी मदद करै कर ना मां। रातीं टी०वी० दे ड्रामे च नेईं हा दिख्येआ तूं ? उस कंपनी दे मालक दी घरै-आली किस चाल्ली दफ्तर जाने आस्तै तयार होने च उसदी मदद करै दी ही।
मां
** ए दंभ-दखावे मेरे कोला नेईं होई सकदे, सुनैना।
सुनैना
** इसी तूं दंभ-दिखावा आखनी ऐं मां ? ए ते माडर्न सोसाइटी दा सभ्याचार ऐ।
मां
** ( इक-इक शब्द बल्लें-बल्लें ) माडर्न सोसाइटी दा सभ्याचार ! .... यनी मर्दै दी अहम भावना दा मनोरंजन? धिये ए शिष्टाचार जिस समाज दी देन ऐ, उस समाज च लेडीज़ फर्स्ट दा शिष्टाचार बी ऐ। साढे समाज च नारी दे सम्मान दा ओ शिष्टाचार शायद क्लबें च दिख्खने च औंदा होग। घरें च, खास तौर पर इ'नें कोठियें-बोंगलें च उसदी चर्चा बी नेईं होई सकदी।
सुनैना
** ( डरै ने दब्बी दी अवाज ) डैड्डी ख'ल्ल आवा करदे न। दफ्तरै दी गड्डी दा हार्न ते नेईं सुनोचा अजें। डैड्डी ने क्या दफ्तर टैक्सी पर जाना ऐं ?
सुनैना
** डैड्डी, तु'न्दी गड्डी ते अजें नेईं आई।
डैड्डी
** ( रूक्खेपने कन्ने ) आई गेदी होनी ऐ। मैं गै ड्राइवर गी मना करी दित्ता हा जे हार्न नेईं बजा करै। अपनी मां गी आख़ी देआं जे में रातीं डिनर कुतै बाहर खाना ऐ। मेरा इंतजार नेईं करै।
सुनैना
** डैड्डी! ... अज्ज संझा बेल्लै में बी घर चली जां।
डैड्डी
** क्या उं'दा आदमी सद्दण आया हा? जां कोई टैलीफ़ून आया हा उं'दा ?
सुनैना
** ( चुप )
डैड्डी
** सालें गी पैसें दा घमंड ऐ। नन्द कैनैडा गेआ हा तां आख़ी गेआ हा जे उत्थें सैट्टल होंदें गै ओ चिट्ठी लिखग ते तुगी सद्दी भेजग, जां शायद आपूं गै आइये तुगी लेई जाग। तेरा पासपोर्ट कदू दा तयार होई गेदा ऐ, पर उस हरामज़ादे ने जाइये इक चिट्ठी बी नेईं लिखी। कल्ब च तेरा सौहरा मिलदा ऐ तां नजरां चुराई लैंदा ऐ जां आख़ी ओड़दा ऐ, नन्दलाल शायद अजें कुतै ठीक चाल्ली सैट्टल नेईं होआ। कुड़ी गी त्रै महीने होई गे न ओदी चिट्ठी दी इंतजार करदे। उल्लू दे पट्ठे... ( बल्लें-बल्लें चली जंदा ऐ )
[ संगीत ]
[ टेप-रिकार्डर पर अंगेरज़ी गाने दी अवाज उ'ब्बरदी ऐ... कन्ने-कन्ने कुसै दे गुनगुनाने ते थिरकने-नच्चने दी अवाज औंदी ऐ ]
मां
** एदे डैडी घर होन तां कुसकदा बी नेईं। उ'न्दे पिच्छों बस्स एदे ए गाने बी छिड़ी पौंदे न ते आपूं बी नच्चन-त्रप्पन लगी पौंदा ऐ। ( आला मारियै ) राजू-राजू !! बै, इसी बिंद हौला कर हां ते इधर ख'ल्ल आ। गल्ल सुन मेरी।
[ टेप-रिकार्डर गी हौल्ली आवाज च बजदा छोड़ियै, पौड़ियां ढलियै राजू सीटी बजांदा-बजांदा औंदा ऐ ]
राजू
** जी, मम्मी जी... हुकम....
मां
** राजू, ए के टेपां बजान लगी पौन्ना ऐं तूं ? के समझ औंदी ऐ तुगी इं'दी? पता गै नेईं लगदा जे गा करदे न जां मोए रोए करदे न।
राजू
** ( गड़ाका मारियै हसदा ऐ ) कमाल गल्ल कीती ऐ मम्मा तु'म्मी। इस कोठी च, गाने-हस्सने दी गल्ल, तूं ठीक आखनी, बड़ी ओपरी सेही होंदी ऐ। हर बेल्लै इक घुटन जे छाईं रौंहदी ऐ इ'त्थै। पर मम्मी, ए गल्ल दस्स, जे रोने दियां बी टेपां बनदियां-बिकदियां न? (हसदा ऐ) रोना अपना-अपना मम्मा, गाने-हस्सने च जिन्नी मरजी ऐ सांझ बनाओ। सोच ते सेही कुत्थों दे न ए बदैशी गाने आले- पर इं'दे गीतें कन्ने साढ़ी धड़कन बी की तेज होई जन्दी ऐ? घुटन दा दबाऽ घटी जन्दा ऐ। इ'त्थां सेही होन लगदा ऐ जि'यां अस बी कुसे सुहामें थाहरें पर अपनियें भावनाएं गी बादै औने दा मौका देआ करने आं। तुगी जेहड़ा मजा अख्खीं मीिटयै कोई भजन गुनगुनाने जां कीर्तन करने दा औंदा ऐ ना मम्मी, बस्स उस्सै चाल्ली दा कोई रस इ'न्नें गीतें च बी होंदा ऐ।
मां
** सिर्फ रसै दी गै गल्ल नेईं होंदी राजू, भजन-कीर्तन च होर बी किश होंदा ऐ।
राजू
** परलोक बी सुधरदा होना ऐ मम्मी, पर परलोक होए जां नेईं होए, म्नै च ओदा विश्वास ते होना लोड़दा ऐ ना। साड़े इ'न्नें गीतें दे रसै दा सरबंध कुसै परलोक कन्ने नेईं होंदा मम्मी। साढ़ा लैन-देन सिर्फ इस्सै जीवन कन्ने ऐ। इस जीवनै कोला फारग होइयै जां मायूस होइयै गै ते आदमी परलोक दी सोचदा होना ऐ। तुगी पता ऐ ना मम्मी, जे मेरा नतीजा निकली गेआ ऐ?
मां
** सुन्नै नै सुनाया हा जे तूं पास होई गेआ ऐं। तूं की नेईं सुनाया मिगी?
राजू
** ( इक सुंक्क सुट्टियै ) के सुनांदा मम्मा। में ठीक नम्बर लेइयै पास नेईं होआ। डैडी जे किश चाहंदे हे, ओ नेईं होआ। बस्स उ'धै गल्ल होई जे- न खुदा ही मिला न बसाले सनम। डैडी ने अपनी मरजी थोपने दी जबरदस्ती कीती ही, मिगी सांईसां लैने पर मजबूर कीता हा। मेरी कोई दिलचस्पी नेईं ही सांईसें च। में ना डाक्टर बनना चाहंदा हा, ना इंजीनियर।
पर इस घरै च बड़े बेबस होय्यै जीना पौंदा ऐ। उस बेबसी गी कबूल करियै में ना इद्धरा दा होई सकेआं ना उद्धरा दा। धोबी दे कुत्ते आला सहाब होआ ऐ मेरा।
मां
** ए के कलच्छणियां गल्लां लग्गी पेआ ऐं करन? इक गल्ल दस्स मिगी जे क्या इस्सै करी तूं इ'नें दो बर्रैं च रुस्से-रुस्से दा रेहा ऐं? बस अपने कमरे दे सवाए तुगी इस कोठी च होर कुसै कन्ने लगाऽ की नेईं हा रेहा? (आला मारियै) सुनैना...........?
सुनैना
** (दूए कमरे चा) के ए मां?
मां
** तूं उथैं कल्ली के कोरै करनी ऐं?
सुनैना
** इ'यां गै नमियां मैगज़ीनां दिक्खा करनी आं।
मां
** राजू दियां गल्लां सुना करनी ऐं?
सुनैना
** सुना करनी आं मां। पर इक गल्ल मिम्मी पुच्छां? लोकें दे घरें च निक्कियें-निक्कियें गल्लें पर पार्टियां होंदियां न, गैट्ट-दूगैदर होंदे न। हासे-गड़ाके लगदे न। फी साढे गै कदै कोई पार्टी की नेईं होई? की भला?
मां
** ओ इस करी, की जे तेरे डैडी गी ना अपने घरै च उस चाल्ली दियां पार्टियां करना पसंद ऐ ते ना ओ दूए दे घर होने आलियें पार्टियें च साड़ा शामिल होना पसंद करदे न।
राजू
** क्या शुरू कोला गै डैडी दा इ'थै बतीरा रेहा ऐ?
मां
** नेईं, शुरू कोला ते नेईं रेहा। (सोचियै) बस्स सुनैना दे ब्याह दे बा'द गै ए सब होआ ऐ।
राजू
** सुनैना दे ब्याह दे बा'द की?
मां
** ओ इस लेई, की जे इस रिश्ते दा में बड़ा वरोध कीता हा। में उस घरै दे बारे च बड़ा किश सुने दा हा। में जानदी ही, ओ बड़े सरमाया-परस्त आदमी न। लक्खें दा कारोबार ते ऐ उं'दा, पर उस कोरोबारै दे बारे च बी लोक बडियां गल्लां करदे हे। इनकम-टैक्स दे मैहकमे ने दो-त्रै बारी उं'दी फर्म ते बैंक दे लाकरें बगैरै पर छापे मारे हे। अख़बारें च बड़ी चर्चा होई ही उस गल्लै दी। पर तेरे डैडी दा आदर्श ऐ तां बस......कोठी, बंगला, कार, बैंक-बैलेंस......।
राजू
** फेर? फेर के होआ?
मां
** फेर के होना हा? सुनैना त्रै उं'ह महीने दी बैठी दी इत्थें ते नन्दू कैनेडा चली गेआ ऐ। नन्दू दे पिता, लाला हीरालाल गी रोह ऐ जे तेरे डैडी ने नन्दू गी कार की नेईं लेई दित्ती।
राजू
** उं'दी गल्ल छोड़ मम्मी, मिगी पैहलें ए दस्स, डैडी दा तु'न्दे कन्ने मन-मुटाव की होआ? कि'यां होआ? कंदू होआ?
सुनैना
** [ आइयै ] दस्सो ना मां ? साढ़े कोला बी तूं ए गल्लां छपैली रक्खी दियां न । कमला ऐ ! अपने कलापे च तूं धुखदी रौहनी ऐं ते मनै दी गल्ल कुसैगी नेईं दसदी। अपने धियें-पुत्तरें गी बी नेईं।
मां
** [ सूं क सुट्टियै ] अज्ज उ'थै दस्सन लग्गी आं। चार-पंज साल पैहलें दी गल्ल ऐ। अस दोऐ जने ड्राइंगरूम च बैठे दे टैलीविजन दिक्खै करदे हे। उ'नें दिनें तेरे डैडी जे घर होंदे तां अस दोऐ अक्सर कठ्ठे बेहियै केई प्रोग्राम दिखदे हे। जिस दिनै दी में गल्ल करै करनी आं, उस दिन बी कोई इ'थै-जनेहा प्रोग्राम चलै करदा हा, जनेहा अज्जकल बी 'कानूनी सलाह' नां कन्ने औंदा ऐ। उस दिन इक जनानी चिट्ठियां पढ़दी जंदी ही ते कोल बैठे दे कुसै कानूनी विशेषज्ञ कोला उ'नें गल्लें दे बारे च सलाह-मश्वरा पुछदी जंदी ही।
✧
दृश्य २ (फ्लैश-बैक)
टी०वी० दी जनानी
श्री रमनलाल ने अपनी समस्या के बारे में कानूनी स्थिति का स्पष्टीकरण सुन लिया होगा। वे किसी वकील की सेवाएं लेकर अदालत में अपने मामले के लिये जरूर लड़ सकते हैं। अगला पत्र गांधीनगर से लिखा गया है, शहर का नाम नहीं लिखा। लिखने वाली हैं कोई लक्ष्मी। इन्होंने बड़ी लम्बी चिट्ठी लिख कर अपने पति के विरुद्ध कई आरोप लगाए हैं। जिनमें से कुछ प्रमुख आरोप इस तरह हैं :-
अपने लिए उचित सम्मान का जीवन पा सकती हूँ। क्या ऐसी दशा में कानून मेरी कोई सहायता कर सकता है?''
डैडी
** [ गुस्से गी दबांदे होई ] ऐ चिट्ठी तूं लिखी ही?
मां
** [ डरदे-डरदे ] नेईं...........नेईं...........में कोई चिट्ठी नेईं लिखी। ए पता नेईं कुन्ने लिखी ऐ।
डैडी
** [ रोहै कन्ने बे-काबू होंदे होई ] ए मेरी जैदाद ऐ। ए में पैदा कीती ऐ। उस जनानी कन्ने मेरे सरबंधें दे बारे च तुगी कुसनै दस्सेआ?
मां
** कुस जनानी कन्ने?
डैडी
** संध्या कन्ने, होर कोदे कन्ने।
मां
** में कुसै संध्या गी नेईं जानदी।
डैडी
** [ कच्चीची बटिटयै ] हरामज़ादी, बड़ी भोली बनदी ऐ। मेरे गै टुगड़े पर पलने आले कुत्ते मिगी गै भौंकण लगी पे न। किरतघन, पाजी कुसै पासे दे।
[ मां दे रोने ते डुस्कने दी अवाज ]
✧
दृश्य ३
राजू
** सच दस्स मम्मी, ओ चिट्ठी तूं ऐ लिखी ही?
मां
** पता नेईं, खबरै कुन्ने लिखी ही।
राजू
** ए संध्या कु'न ही मम्मी? डैडी ने उस दिन उसदा नां की लेआ हा?
मां
** में किश नेईं जानदी। मिगी कोई पता नेईं।
सुनैना
** मां, कुत्ते भावी ने ते नेईं ही लिखी ओ चिट्ठी?
मां
** ओ की? उसने मेरे पासेआ चिट्ठी की लिखनी ही? [ व्यंग दा हासा ] उस बचैरी ने लिखनी होंदी तो अपने पासेआ लिखी सकदी ही। जुलम ते ओदे पर हुआ ऐ। ओदे घरा आले गोपाल पर हुआ ऐ।
राजू
** पर अजीब गल्ल ते ए ही मम्मी, जे चिट्ठी च दर्ज सारियां गल्लां साढ़े घरै कन्ने मेल खिंदियां हियां। चिट्ठी लिखने आले दा नां बी नी। तेरा नां.........गांधीनगर.........कोठी......अफसरी.........पैसा.........ठाठ-बाठ.........रोब-दाब.........।
मां
** इ'थै ते हैरानगी आली गल्ल ही राजू। बस टी०वी० दा उ'थै प्रफ़ोग्राम असै किठ्ठे दिक्खेआ हा। उस्सै दिनै दे बाद तेरे डैडी ने कदें मेरे कन्ने कोई दुखै-सुखै दी गल्ल नेईं कीती। बस, जां हुकम कीते जां शकैतां कीतियां।
राजू
** कमाल ऐ मां! तूं जुर्रत कन्ने आखेआ की नेईं जे ओ चिट्ठी तूं गै लिखी ही। तूं डरी गेई तां गै इस घरै च तेरी सत्ता सिर्फ कुसै दे हुकमैं ते शकैतें दे
अपमान जरने गितै गै रेही गेई ऐ। तूं इस अपमान-जनक स्थिति गी अंगीकार की कीता ?
मां
** (बे-बसी कन्ने) होर के करी सकदी ही राजू ?
राजू
** पर मम्मी, ओ संध्या कु'न ही ? क्या डैडी कन्ने सच्चे गै उसदा कोई अफेयर (Affair) ऐ हा? क्या ओ सरबंध हुन बी ऐ?
सुनैना
** राजू, भाबी अनीता संध्या गी जानदी ऐ। ओ कोई अच्छी जनानी नेईं ही। डैडी बी उसदे मोह-जालै च फसे जरूर हे, पर अनीता भाबी गी पता लग्गा हा जे हून ओ मोह-जाल त्रुट्टी गेदा ऐ। संध्या तब्दीली कराइयै कुतै होर चली गेदी ऐ।
मां
** (गल्ल बदलदे होई-सूंक सुट्टियै) राजू......गोपाल दा के हाल ऐ? सुनेआ हा उसी बुखार होई गेदा हा।
राजू
** में कल्ल गेदा हा उथें। बुखार हुन नेईं ऐ, पर कमजोरी अर्जें ऐ। भाबी गी मेरे रिजल्ट दा पता नेईं हा। में गै सुनाया उसी, शायद ओ तेरे कोल औग बी।
मां
** मेरे कोल ? ते जे तेरे डैडी गी पता लग्गी गेआ जे अनीता आई दी ही तां फ्ही अनीता दी बी, ते साढ़ी सारे दी बी शामत नेईं आई जाग?
राजू
** भाबी दी शामत की औग मम्मी? कायरे ते बुज़ादिलें दे इस परिवारै च उ'यै ते इक आई ही, जेदे च आत्म-सम्मान दी भावना बी ऐ ते समझ-बूझ बी। ओ इस घरै दी नूंह ऐ। गोपाल भापा बचैरा कमजोर आदमी हा, ओदे कन्ने-कन्ने अनीता भाबी गी बी ए अपमान-जनक सलूक बरदाश्त करना पेआ हा।
सुनैना
** पर झगड़ा ते सारा भाबी करी गै होआ हा ना ?
राजू
** के कसूर हा भाबी दा ?
सुनैना
** डैडी नेईं हे चाहंदे जे ओ कुसै प्राइवेट स्कूलै च पढ़ाने दी मामूली नौकरी करै।
राजू
** मामूली नौकरी ? स्कूलै च पढ़ाने दा कम्म मामूली हुंदा ऐ? ए घटिया कम्म ऐ ? स्कूलै च पढ़ाने आले अध्यापक लोक घटिया ते मामूली होंदे न? तू बी ते स्कूलै च पढ़ी दी एं, मिम्मी पढ़े दा, क्या असें गी पढ़ाने आले ओ घटिया लोक हे ? साढ़े मनें च उ'दे आस्तै क्या अज्ज बी आदर-मान नेईं ऐ?
मां
** राजू बंद बी कर अपनी ए बकौली बह्र स। सुनैना, जा चाह दा पानी ते रक्खी दे।
सुनैना
** रक्खी दिन्नी आं मां......(गड्डी दा हार्न बजदा ऐ) ऐं! डैडी दफ़्तरा
इसलै की आई गे न ?
राजू
** में अपने कमरे च आं, मिगी चाह दा इक प्याला उत्थें गै पुजाई देआं।
✧
दृश्य ४
डैडी
** कम इन (Come in)
राजू
** ( अन्दर आइयै ) जी, ........सुनैना ने आखेआ जे तुसें याद कीता ऐ।
डैडी
** हां, में गै बुलाया ऐ। बेही जा ना।
राजू
** में ठीक आं। तु'न्दे सामनै क्या मेरा बौहना ठीक होग?
डैडी
** सुनैना के आखै करदी ही ?
राजू
** के आखा करदी ही ?
डैडी
** तूं ओदे कन्ने मेरी शकैत करै करदा हा ..........
राजू
** ( हैरानी ) तुन्दी शकैत ? सुनैना कन्ने ? ओदे कन्ने में तु'न्दी शकैत की करनी ही ? ओ बचैरी दूएं दियां शकैतां सुनने जोगी कदू ही ?
डैडी
** क्या तूं ओदे कन्ने ए नेईं हा आखेआ जे डैडी हून मेरा जीवन बी बरबाद करने पर तुले दे न ?
राजू
** ( सोचियै ) नेईं, बिल्कुल नेईं। सुनैना ने जे तुसेंगी इ'थै लफ्ज आखे न, तां उसने अपने पासेआ आखे होने न। में उसी ए गल्ल नेईं ही आखी। ऐसा ते नेईं जे सुनैना नै जे किश आखेआ हा, उसी तुस आपने पासेआ इंटरप्रैट (Interpret) करै करदे होवो।
डैडी
** ( रोहें कन्ने ) व्हट डू यू मीन ? (What do you mean) में सुनैना दी गल्लै गी तोड़़ी-मोड़़ियै आख्खै करनां ? क्या तूं उसा ए नेईं हा आखेआ जे डैडी ने गै मिगी साईसां पढ़ने पर मजबूर कीता हा, वरना साईंसें च मेरी कोई दिलचस्पी नेईं ही ?
राजू
** एग़जैक्टली, दिस इझ व्हट आई टोल्ड हर (Exactly, this is what I told her) बिल्कुल इ'थै गल्ल आखी हा में उसी। एदे च लाइफ तबाह करने दी गल्ल कुत्थों आई गई ?
डैडी
** जे तूं समझनां एं जे ए दो ब रे, साईसां लेइयै तू जबरदस्ती दी इक बगार करदा रेहा एं, तां जीवन बरबाद करना होर कुसगी आखदे न ?
राजू
** ( दृढ़ता कन्ने ) लेकन क्या ए हकीकत नेईं ऐ डैडी , जे मेरे आस्तै साईंसां-लैने दा फैसला सिर्फ तुसें कीता हा। में उस बेल्लै बी इ'थै चाह-दा हा जे में सोशल-सांइसेज (Social Sciences) लैं। तुसें मेरी ए गल्ल सुनियै आखेआ हा, जिन्दगी बरबाद चाहनां एं। तुसें मिगी मेरी
अपनी दिलचस्पी दी स्ट्रीम (Stream) च दाखला नेईं लैन दित्ता। हून ए 64-65 परसेंट (Percent) नम्बर लैइयै, में कुसै बी कम्पटीशन च शामल नेईं होई सकदा।
डैडी
** क्या 64-65 परसेंट नम्बर लेने आले जागत इंजीनियरिंग दी ट्रेनिंग आस्तै नेईं भेजे जन्दे?
राजू
** सिर्फ शैड्यूल-कास्ट बगैरा दे कैंडिडेटस गी किश रियात ज़रूर मिलदी ऐ।
डैडी
** में शैड्यूल-कास्ट बगैरा दी गल्ल नेईं करै करदा।
राजू
** इन्दे अलावा जे कोई हल्के मैरिट दे जागत चुने जन्दे न, जां बाहरले कालजें च भेजे जन्दे न, तां उ'नेंगी चोर-दरवाज़ें रस्ते कड्ढेआ जंदा ऐ। ओपन (Open) ते फेअर (Fair) कंपटीशन च चुनैआ जाना होर गल्ल होंदी ऐ, डैड!
डैडी
** कोई चोर दरवाज़े बी होंदे न, में नेईं जानदा। पर मिगी भरोसा ऐ जे मेरी अपनी रैपुटेशन (Reputation) ऐ, मेरा रसूख ऐ, में सिद्धे ओपन-कम्पटीशन (Open competition) दे रस्तै बी तेरे आस्तै इंजीनियरिंग दी सीट लेई सकनां।
राजू
** नेईं डैडी, तु'न्दे रसूख ते रैपुटेशन दा गलत इस्तेमाल होऐ, ए गल्ल मिगी पसंद नेईं। दूए इस चाल्ली अनैतिकता ते अनाचार दे रस्ते चा लंघियै बी अगे कोई जीवन दियां बड़ियाँ दिलकश वादियां ते हैन नेईं। में अपने जीवन दी सार्थकता सिर्फ इंजीनियर बनी जाने च गै नेईं समझदा। भापा गोपाल कमजोर सेहत होने दी वजह कन्ने सिर्फ दसवीं पास करी सकेआ हा। उसी तुसें अपने रसूख कन्ने ओवरसियर बनोआई दित्ता हा।
डैडी
** एदे च झूठ के ऐ? थर्ड डिवीजन च दसवीं करने करी ओ ओवरसियर बनने दे काबल बी कुत्थै हा?
राजू
** पर डैडी, ओ इस चाल्ली ओवरसियर बनने कोला जे कुत्तै कोई अपना कम्म-काज करी लैंदा तां के माड़ा हा? जेहड़ा आदमी रिश्वत लैना पाप समझदा ऐ, ओ अपने कम्मै च किन्ना गै स्याना ओवरसियर की नेईं होऐ, ओ महकमें च बी मिस-फिट (Misfit) ते समाज च बी। गोपाल ते ओवरसियर बनियै खुश नेईं हा ओआ डैडी।
डैडी
** पर ए गल्लां तू कोदे कोला सिक्खियां न? तेरे उस बुद्धू भाऽ गोपाल च गै जे पुर्श (Push) नेईं ही तां कोई दूआ ओदे आस्तै के करी सकदा हा? में जाननां जे अनीता ने गै उसी इस चाल्ली मतू बनाए दा ऐ। उसी गै इ'नें उच्चे आदशें दा नशा चढ़े दा ऐ। आपूं बी खज्जल होआ करदी ऐ ते कन्ने-कन्ने उस बुद्धू गी बी घसीटदी जा करदी ऐ।
राजू
** अपने-अपने आदर्शों पर चलने दा स'बनें गी हक होंदा ऐ डैडी। दुनियाबी अरामतलबी ते पैसे-धेले दी इफ़रात होर चीज़ ऐ- आत्मा गी तस्कीन देने आला जीवन बिल्कुल होर चीज़ ऐ। भापा ते भाभी तंगी कन्ने ज़रूर गुजारा करदे न, पर जो तस्कीन ते प्यार उ'न्दे उस कराए दे तंग जनेह मकानें च ऐ, ओ साढ़ियें इ'नें कोठियें ते बंग्लें दे नसीबें च नेईं ऐ। इस करी भाबी अनीता ने कुसैगी घसीटियै खज्जल नेईं कीता, उल्टे उसने भापे-जनेह कमज़ोर आदमी गी बी गौरव कन्ने जीने दा जाच दस्सी ऐ। जीवन दी इस कठन डगर पर ओ उसी बी कन्ने लेइयै चली ऐ। जीवन च ए ऐसा आत्म-विश्वास भाबी अनीता गै पैदा करी सकदी ही। ओ ते लक्खें नारियें चा इक ऐ डैडी।
डैडी
** (व्यंग कन्ने) में समझानां तु 'म्मी हुन उस्सै दे नक्शे-कदम पर चलियै लक्खें चा इक बनना चाहन्नां ऐं ?
राजू
** (थोड़ा चिर चुप रहियै) काश..... में भाबी दे नक्शे-कदम पर चलने दे काबल होई सकां..... में इंजीनियरिंग आस्तै फार्म नेईं भरंग डैडी। में आर्ट्स लेइयै अगें पढ़ाई जारी रक्खंग। (दरवाज़ा बंद करियै जन्दा उठी ऐ)
(संगीत)
(डोर-बैल्ल(Door-Bell) दा दो-त्रै बारी बजना)
: सुनैना,दिक्ख हां कु 'न ऐ ?
(चिटकनी खु'ल्लने दी आवाज़)
सुनैना
** (हैरानगी) भाबी.... तुस....?
अनीता
** मिगी दिक्खियै चबात लग्गा ऐ तुगी ? मां होरें ई राजू दे पास होने दी मुबारक देन आई आं। तूं इन्ना संकोच की सेही करै करनी ऐं, सुनैना ?
मां
** (ज़ोरै कन्ने, अन्दरा) कु 'न ऐ सुनैना ?
सुनैना
** (कोल आइयै होली आवाज़ चै) अनीता भाबी आई ऐ मां।
अनीता
** चरण बंदनी आं मां जी !
मां
** अनीता ! ओह.... आ बेटी, आ। इद्धर अपने कमरे च गै चलियै बौहन्ने आं।
अनीता
** पिता जी अन्दर गै होने न ?
मां
** हां, अन्दर गै न। दफ़तर नेईं गे अज्ज। शायद तबीयत ठीक नेईं ही। पर तूं अज्ज कि'यां आई ऐं अनीता ?
अनीता
** तुसेंई मिलने ई बड़ा मन करै करदा हा। पछी राजू दे पास होई जाने दा पता लग्गा। में सोचेआ कन्ने मुबारक देई औंग ते कन्ने मां हुन्दे दर्शन करी
आँग । सुनैना गी बी मिलने गी मन करै करदा हा।
सुनैना
** पर भाबी, राजू दे पास होने दी खुशी इस कोठी च ते कुसै गी बी नेईं होई।
अनीता
** मां जी गी बी नेईं ?
मां
** मिगी की नेईं होई धीये ? जरूर होई ऐ। पास हुआ ऐ तां गै ते अग्गें पढ़ाई करी सकग। पढ़ाई दा ए सफर जारी रौहग। पढ़ां-पढ़ां करियै गै ते मसाफर अग्गें बधदे न।
सुनैना
** पर मां, जेहड़ा आदमी पास हुआ ऐ खुश ते ओह बी नेईं, पर उं'दा चेहरा दसदा ऐ जे ओ बी मनै च खुश नेईं हैन। उ'न्दी तवक्को दे मताबक राजू दे नम्बर जे नेईं आए।
अनीता
** पिता जी गी नराशा होनी गै ही, राजू मैरिट-लिस्ट (Merit List) च नेईं आया। उद्धर राजू दी समस्या ए ही जे ओ जिस दौड़ दा हिस्सा लैना नेईं हा चांहदा, उसी ओदे आस्तै तैयारी करनी पेई ते जिस दौड़ा च ओ अपनी योग्यता दस्सने दा भरोसा रखदा हा, ओदे च ओ शामिल नेईं होई सकेआ। (थोड़ा रुकियै) पर सांईस लेइयै बी फर्स्ट डिवीजन च इम्तेहान पास करी लैना क्या बहादरी दी गल्ल नेईं ए, मां जी ?
मां
** ऐ की नेईं। साढ़े बेल्लै ते पास होई जाने मातर दी बी बड़ी खुशी होंदी ही। हून फस्ट डिवीजन च पास होने पर बी नराशा ते मयूसी होंदी ऐ। किन्ने बदली गे न समें! पर राजू गी खुशी की नेईं होई अनीता ?
अनीता
** ओ इसकरी जे इस इम्तेहानै दा जेहड़ा लक्ष्य जां निशाना होंदा ऐ जां अज्जकल मन्नी लैता गेदा ऐ, ओदे बारे च राजू गी कोई दिलचस्पी नेईं ऐ। ओ इंजीनियर नेईं बनना चांहदा।
सुनैना
** पर डैडी ते उ'थै चीज चांहदे न ते उं'दा रसूख ते वसीला, राजू गी ओदे आस्तै दाखला लैने च मदद देई सकदा ऐ। पर राजू ओदे आस्तै त्यार ते होए!
अनीता
** सुनैना, जेहड़े लोक अपनियें गलतियें दा इतराफ नेईं करना चांहदे, ओ दूएं पर दोष लांदे न, उ'नेंगी मुजरम सिद्ध करना चांहदे न।
सुनैना
** अपनी गलती गी अंगीकार कु'न नेईं करना चांहदा ?
मां
** तेरे डैडी, होर कु'न ? उ'नें कदै वास्तविकता दे शीशे च अपना-आप दिखने दी कोशश बी कीती ऐ ? हठै दे दर्पणें च अपनी असली नुहार नेईं ल'ब्दी सुनैना! तेरे गै रिश्ते दी गलती उ'नें कदै मन्नी ऐ ? अच्छा छोड़ इ'नें गल्लें गी। गोपाल दा के हाल ऐ ? ओदी तबीयत कैसी ऐ ?
अनीता
** किश बी पता नेईं लगदा, मां जी। एसिडिटी बी ऐ, डायब्टीज़ ते ऐ गै। एदे बावजूद होसला बड़ा ऐ। परहेज बी ऐ, दुआयी बी ऐ।
ना
** - ते भाभी तेरा मुन्ना ?
ता
** मुन्ना ? मुन्ना ते अपनी नानी कोल ऐ । छे महीने दा हा जडूं उसी उसकी नानी लेई गई ही। हून ते ओ मिगी ते गोपाल गी पछानदा बी नेईं। उ'आं ओदे बारे च असें गी बड़ी नचिंती ऐ।
ता
** तुसें गी ते ओ बड़ा चेता करदा ऐ। पर मां जी, बड़ी किंदा आला ऐ तु'न्दा गोपाल। जिस कोठी चा उसी दुत्कारियै कड्ढी दित्ता गेआ हा, उत्थै ओ आवै बी तां कि'यां ? तुस्सें जाओ ना कदैं, मनाई लेई आओ हां उसी। जडूं पिता जी ने उसी उस चाल्ली कड्ढेआ हा, उस बेल्लै बी तुस चुप्प गै रेहियां हियां।
ना
** में चाह बनाई लेई औन्नी आं। (जल्दी उठी ऐ)
ता
** की डरदे ओ इन्ना मां जी ? क्या तु'न्दा इस घरै च कोई थाहर-अधिकार नेईं ऐ ?
ता
** पर मां जी, जेकर ए लचार आदमी तगर गै सीमत र'वै तां बी उसगी जरैआ जाई सकदा ऐ, पर ओ लचारी जिस बेल्लै दूएं गी बी अपने रंगै च रंगन लगै तां स्थिती गम्भीर होई जन्दी ऐ। इस कोठी दी इस मन्हूस लचारी दी घेरेबंदी गी तोड़ियै जे गोपाल ने इस कैदा कोला गरीबी दे उस जीवन गी बेहतर समझोआ हा, तां उसने बुरा बी के कीता हा ?
ना
** (झकदे-झकदे) अनीता भाभी आई दी ऐ।
ना
** राजू ते घर नेईं ऐ, डैडी। भाभी, राजू दे पास होने दी बधाई देन आई ऐ।
डैडी
** कुसगी देन आई ऐ बधाई? जिसी पास होने दी बधाई देनी चाहिदी ऐ ओ ते रोज ओदे घर जन्दा होना ऐ। ए उत्यें जाने दा गै असर ऐ जे ओदे च बी हून साढे सामनै बोलने ते मनमाने फैसले करने दी गुस्ताखी पैदा होन लगी पेई ऐ। (रोहै कन्ने) राजू दी मम्मी!
मां
** (थोड़े चिरै दी चुप्पी दे बा'द, बाहर आइयै) जी.....
डैडी
** राजू दा फैसला तुम्मी सुनी लेआ ऐ ना? (व्यंग कन्ने) में ओदे आस्तै इंजीनियरिंग दी सीट लेने दी कोशश करै करनां ते ओ मेरे मूंहां पर जवाब देई गेआ ए जे ओ इंजीनियर नेईं बनना चांद्दा। आर्टस लेइयै अगें पढ़ाई करने दा फैसला बी सुनाई गेआ ऐ। उसी ए पट्टियां पढ़ाने आला कु'न ऐ? ओ इस चाल्ली अपने पैरें पर कुहाड़ी मारने पर की तुले दा ऐ?
मां
** (शांत पर दृढ़ लैहजे च) जे उसदी मरजी इंजीनियरी पढ़ने दी नेईं ऐ तां तुस उसी मजबूर की करदे ओ जे ओ इंजीनियरी गै पढ़े?
डैडी
** (रोहै कन्ने) इंजीनियर ते क्लर्क बनने च तूं कोई फर्क नेईं समझदी?
मां
** फर्क की नेईं समझदी। जरूर समझनी आं, पर आर्टस लेइयै ओ प्रोफैसर बी ते बनी सकदा ऐ। योग्यता ते आत्म-विश्वास होग तां लेखक बी बनी सकदा ऐ ते जे लाला कमलेश्वर दी दालै दे भागें च क्लर्क ते ओवरसियर बनना गै बदे दा ऐ, तां जो प्रभु दी इच्छा ऐ ओ होन देओ। तुम ऐमें की परेशान होंदे ओ?
डैडी
** ए मास्टरैआनी की आई दी ऐ?
मां
** मास्टरैआनी कु'न? अनीता? कमाल ऐ! ओ गोपाल दी लाड़ी नेईं ऐ राजू दे डैडी? ते गोपाल इस परिवारै दा जेठा पुत्तर नेईं ऐ? उ'नेंगी तुस कोठी चा ते कड्ढी सकदे ओ, पर उ'न्दे रिश्ते-सरबन्धें गी बी क्या कच्चे धागे आंहगर त्रौड़ैया जाई सकदा ऐ?
डैडी
** रिश्ता-सरबंध असें ते नेईं हा त्रौड़ैया। तेरे गोपाल नै गै त्रौड़ैया हा। जे उसी ए ख्याल होंदा जे ओ सैकेटरी कमलेश्वर दा पुत्तर ऐ तां .........ओ इस चाल्ली साढ़ा अपमान नेईं करदा। ब्याह-शादी दा रिश्ता अपनी बराबरी आलें कन्ने होंदा ऐ, अपनी जात-बरादरी च होंदा ऐ।
मां
** (व्यंग कन्ने) पर सुन्नै दे डैडी! जात-बरादरी ते समाजी हैसियत दिक्खियै जेहड़ा नाता तुसें कीता हा- ओदे कन्ने असेंगी किन्नी-तस्कीन होई ऐ? जात-बरादरी च साढ़ा किन्ना-क मान बधैया ऐ? तूं जा सुन्नै, चाह अन्दर लेई जा। जे ए ठंडी होई गेई ऐ तां होर बनाइयै लेई जा।
डैडी
** असें ते गोपाल दी ओ गुस्ताखी बी बरदाश्त करी लेई ही, जे चलो अपनी मरजी दा गै ब्याह करी लै, पर मेरे मान-सम्मान दा जे उ'नेंगी जरा बी ख्याल होंदा तां क्या अनीता प्राइवेट स्कूलै च त्रै-चार सौ रुपें दी ए नौकरी
: करने दा हठ करदी ? क्या ए गल्ल मेरे मान-मरतबे कन्ने मेल खन्दी ऐ, जे गवर्नमैंट दे इक सीनियर सैक्रेटरी दी जेठी नूंह इक प्राइवेट अदारे च मास्टरी करदी ऐ ?
: (धीरज कन्ने) के मोहना ऐ एदे च तुं'दे सैक्रेटरी दे रुतबे गी ? कोई बुरा कम्म ऐ पढ़ाना ? जे इसी तुस अपने पैंरें पर खड़ेने दा हठ गै समझदे ओ, तां बी ओदे च के बुराई ऐ ? तुं'दे अहम गी चोट लगदी ऐ ना एदे कन्ने, इसकरी ? तुस अपने अहम दे सामने होर कुसे दे अहम गी बरदाश्त करने दे आदी जे नेईं। इ'थै गल्ल ऐ ना ? तां गै मैं समझनी आं जे अनीता दा नौकरी करना बड़ा बाजव ऐ। इस मैहल-नुमा कैदखाने च बंदी बनियै धुखने-कुढ़ने कोला कुसै कच्चे, कराए दे कोठे च ईन कन्ने रौहना बड़ी खुश-किस्मती ऐ।
: (रोहै कन्ने) गोपाल दी मां ! तूं बी इ'ने कोरे आदर्शों दे माया-जाल च जाई फसी एं ? शैद तुगी पता नेईं जे ए कोरे आदर्श बड़ी कमजोर नींहें पर खड़ोते दे न। इक्के ठोकरे कन्ने ओ नींह ढाई बी जाई सकदी ऐ। लौहके-लौहके फं'गे कन्ने लोहकियां डुआरियां जरूर मारियां जाई सकदियां न, पर जे फं'ग नेईं रौह न तां ? (चली जंदा ऐ)
(थोड़े चिर चुप्पी छाई रौंहदी ऐ)
Γ
** मम्मी, अज्ज तुसें ए के बहस लाई दित्ती ही ? अनीता भाभी अंदर बैठी दी ऐ..........ओ के सोचदी होग ?
: जमाना बदली गेआ ऐ, पर तेरे डैडी दा सभाऽ नेईं बदलेआ। हर बेल्लै अपने अहम दे शीशे च अपना-आप दिक्खने करी उ'नेंगी अपने सवाए होर सारे जने लौहके ते ना-समझ सेही होंदे न। ..........अनीता ..... ?
ता
** जी, मां जी !
: धीए, में ते उं'दे कन्ने गोपाल दी बीमारी दी गल्ल करने दी सोचै करदी ही जे उ'नें अपनी समाजी मान-प्रतिष्ठा दी उ'थै परानी बहस छेड़ी दित्ती।
ता
** ठीक गै होआ, मां जी। गोपाल दी बीमारी दी खबर उ'नेंगी देने दी लोड़ नेईं ही। गोपाल बी इस गल्लै गी कदैं पसंद नेईं करदा। तुस ते ओदे सुआतम गी जानदियां गै ओ।
π
** (भावुक होइयै) मां, मेरा बड़ा मन करदा ऐ, गोपाल भापा गी मिलने दा। कोडा शाप लग्गा ऐ साड़े घरै गी ? इक्कै शहरै च रौंहदे होई बी, भैं-भाऊ गी मिली नेईं सकदी ? माऊ ते पुत्तरै दे मझट्टै उचियां कंधां खड़ीई गेदियां न। गोपाल दा मुन्ना नानी कोल पलै करदा ऐ, दादी दी छाती ओदे आस्तै की नेईं धड़कदी ?
मां
** अनीता....... ( सूं क सुट्टियै ) धीए, गोपाल दा ख्याल रक्खेआं । ( थोड़ा रुकियै ) इक गल्ल होर आक्खां.....
अनीता
** के गल्ल, मां जी ?
मां
** स्कूलै च तेरी नौकरी पक्की ऐ ना ?
अनीता
** ( हस्सियै ) प्राइवेट स्कूलें च नौकरियां पक्कियां नेईं होंदियां मां जी । इक महीने दा नोटिस जां इक महीने दी तनखाह देइयै स्कूलै दी मैनेजमेंट (Management) कुसै बी अध्यापक-अध्यापिका गी छुट्टी करी सकदी ऐ । गल्ल के ऐ?
मां
** मिगी सुनैना दे डैडी दा भरोसा नेईं । उ'नेंगी गल्लै दी बड़ी रड़क ऐ जे तूं उ'न्दे आखने पर बी स्कूलै दी ए नौकरी छोड़ने कोला इन्कार कीता ऐ । इस गल्लै गी ओ अपनी ईन आस्तै इक चैलेंज समझदे न। ऐसा निं होऐ जे कुतै अपने सरकारी रसूखै कन्ने ओ तेरी नौकरी च अड़चन पैदा करी देन!
अनीता
** फही के होग, मां जी ? मजूरें गी मजूरी दा घाटा नेईं होंदा। इक स्कूलै चा नौकरी चली जाग तां दूए कुसै स्कूलै च करी लैगं। अपनी कोई नर्सरी खोली लैगं । ( भरोसे कन्ने ) तुस इस बारे कोई चिंता नेईं करो। अनीता गी इ'नें हरबें कन्ने शकस्त नेईं दित्ती जाई सकदी । ( हलीमी कन्ने ) अच्छा, में चलां मां जी !
राजू
** ( दूरा गै ) मम्मी.... भाभी इत्थें आई दी ऐ ? चली गेई ?
अनीता
** के गल्ल ऐ राजू ?
राजू
** ( घबराए दे ) भाभी, गोपाल भापा दी तबीयत ठीक नेईं। में डाक्टर गी बलान चलेआं । तूं घर चल।
मां
** तकलीफ के होई ऐ उसी राजू ?
राजू
** छाती च दर्द होआ ऐ उसी । में चलेआ भाभी।
अनीता
** अच्छा मां जी...... ( चली जान्दी ऐ )
सुनैना
** ( रुन्हाकी होइयै ) छाती च दर्द कनेहा होन लगा मां?
मां
** ( रुन्हाके-जन होइयै ) के पता ऐ धीए । कु'न जा उसका पता लैन ? तूं अपने डैडी गी दफ्तर टैलीफोन करी दे।
सुनैना
** ( डायल करदी ऐ..... इक बारी..... दो बारी.... ) डैडी ते दफ्तर च नेईं ल'बदे । घंटी होंदी ऐ पर चुकदा कोई नेईं।
: डैडी आई गे न। पर उ'न्दे कन्ने गल्ल तुऐं कर मां। कार चली नेईं ना जा मां! डैडी गी आखियै कार तै रुकाई लौ।
: (औंदे गै, बड़े घमंडै कन्ने) मास्टरेआनी चली गेई? के आखदी ही ओ अपनी नौकरी दे बारे च? स्कूलै दी मैनेजिंग कमेटी शायद हुन उसी स्कूलै च नेईं रक्खै। प्राइवेट स्कूलें दी नौकरी दा के भरोसा होंदा ऐ, गोपाल दी मां?
: अनीता दी इस नौकरी दा तुसेंगी इन्ना दुख की ऐ? तुस ड्राइवर गी आख्खो जे ओ मोटर नेईं लेई जा। गोपाल बड़ा बमार होई गेदा ऐ। पता नेईं उसी के तकलीफ होई गई ऐ? में उसी दिक्खन जाना ऐ। (कार दे स्टार्ट होने ते जाने दी अवाज) हे राम, कार ते चली गेई। मिगी कोई टैक्सी गै करी देओ। हुन छे बज्ज न। पर उत्थों कोई पता नेईं आया। पता दिन्दा बी कु'न। [डैडी दा चली जाना]
✧
दृश्य ५ (अन्तिम)
: हैलो ..... कु'न ...... राजू?
: सुनैना, मम्मी कुत्थै ऐ?
: मम्मी बी मेरे कोल खड़ोती दी ऐ। तूं कुत्थों बोला करना ऐं? ..... ऐं ..... हसपताला ..... ? मां .....
: मम्मी, तूं हसपताल आई सकनी ऐं? गोपाल गी शायद हार्टअटैक होआ ऐ। हार्ट-स्पैशनिस्ट ने उसी दिक्खियै हसपताल लेई जाने दी सलाह दित्ती ही। इस बेल्लै ते ओ इण्टैस्सिव केयर (Intensive Care) च ऐ। अस बेल्लै ते ओ किश टिके दा ऐ। जेहड़ा डाक्टर उसी इसलै अटेंड करा करदा ऐ उसने भापे दा कार्डियोग्राफ दिक्खियै आखेआ ऐ जे माईल्ड अटैक (Mild Attack) ऐ।
: (रोन लगी पौंदी ऐ) राजू, हसपताल ते दूर ऐ, में कल्ली कि'यां आमां? तेरे डैडी ....,
: (गल्ल टुकदे होई) नेईं मम्मी, इसलै डैडी दा इत्थै औना शायद ठीक नेईं होग। तूं गोपाल गी जाननी गै, ए हार्ट-अटैक दा मामला ऐ।
ता
** मां जी बोला करदियां न? ..... टैलीफोन मिगी दे राजू। मां जी गोपाल दी हालत थोड़ी सम्हली दी ऐ। तुस आई जाओ, मां जी। गोपाल ने तुसेंगी बड़े बारी याद कीता ऐ।
: कोदे कन्ने आमां अनीता? गोपाल दे डैडी गै न घर इसलै।
ता
** डैडी गी बी लेई आओ, मां जी। इत्थै सब लोक पुच्छे करदे न। लाला कमलेश्वर होर की नेईं आए? सैकेटरी साहब कुत्थै न?
मां
** पर अनीता, गोपाल दे डैडी शायद तेरे सामनै होने दी हिम्मत नेईं करी सकंगन।
अनीता
** के गल्ल मां ? उ'नें मेरा के बगाड़ेआ ऐ ? ओ मेरे सामनै की नेईं आई सकगन ?
मां
** अपना गै अहम आदमी गी मुजरम बनाई दिंदा ऐ, धीए। अज्ज ओ शायद सारा दिन, स्कूला चा तेरी नौकरी खत्म कराने दे हीलें च लग्गे रेह न।
अनीता
** ओह ...... । फेर बी मां जी, तुस जतन करेओ जे ओ जरूर औन। मैं राजू गी बी भेजै करनी आं। ओ तुसेंगी लेई औग।
(समाप्ती सूचक संगीत)
(रेडियो नाटक)
प्रसारण तिथि
22-11-1983