बरांडी

पात्र-सूची

जानकी ने गरू खद्‌दड़ै दी चादरी दी गिद्दी ब'नी दी ऐ। ठौगरें दी चौकी पर फुल्ल चाढ़िये ने भुंजा कन्ने मत्था मेलियै प्रणाम कीता ते उठदे-उठदे गिद्दी दे लड़ै कन्ने अखियां पूंझियां ते दे ध्यासै मूजब बरांडी दे सामनै जाई खड़ीती। उसी उप्परा दा खु 'ल्लै तगर दिक्खेआ ते फ्ही कन्ने उसी फंडियै परतोन लगी तां घड़ा लेइये, पनिया गी जन्दी माया पर नजर पेई।

सुन्दर घाट घड़ै, लक्खें चा तलियै दों खडालियें गी जीवादान देय्यै इक थाहर आनी मेलै ते फही ओ उ'न्दे चा इक गी बे-रैहमी कन्नै भन्नै, तां की भन्नै ? दूए गी रोने करलाने आस्तै की सुट्टी जा ? साढ़े परकाश ने के पाप कीते हे ? इस बचैरी माया ने के पाप कीते न ? कुतै ऐ रू-फरयाद करने दा थाहर ?

... उस परमेसरें गी ?

पुच्छेआ हा जे ओदी हुन के मरजी ऐ? उस्सें ने उत्तम दी गल्ल बी चलाई ही। उत्तम ने गै, आखदे न, उसी आखेआ हा- जे भाभी दे जोग ते अ'ऊं किस चाल्ली बी नेईं आं, पर हिरखै-भरोचा मन जरूर ऐ, जेदे च इसी देवी आंनगर रक्खियै पूजदा रौहंग। कोई दाब्बा नेईं कोई दबा नेईं, इक रस्मी गल्ल ही। साड़े लाके च ए हुंदा बी ऐ गै। पर सुनेआ हा जे उसने सुनियै भैनू दी बुरी बाव कीती ही। उसी बैरन आखेआ हा, ते धमकी दित्ती ही जे फिरी कदै उसने कोई नेईं गल्ल कीती तां उमरी आस्तै ओ ओदे मूंह नेईं लग्गग। राम जानै, उस बेल्ले ओदे मनै च के हा? परकाश हा जां दवानचन्द हा जां मेरे उत्तम बचैरे दा सौला रंग ते साधारण रूप-नुहार ही? उत्तम किन्ना दुखी होआ हा, जे छुट्टी संभने थमां 9-10 दिन पैह्लें गै घरा गेआ उठी हा। पही चिरें सारें ओदे खत-पत्थर आए बी, पर छड़े रस्मी ते फिक्के। बस भाभी दा सुख-सान्द पुच्छने दे पज्जें। पर ओदा नां सुनियै, माया दे ओठें पर कदै मुस्कराहट नेईं आई। मेरे कन्ने ओ कदै बुआसरी नेईं। ते हुन रूपां आखदी ऐ-दवान दे कन्ने बी कदै एदे कौल-करार होए हे। ब्याह दे दौं बरें च कदै बी नेईं गल्ल सुनने च नेईं ही आई। लोक परकाश दे भाग सराहन्दे हे। माया बी उ'नें दौं बरें च फुल्लें आंगू खिड़ी-खिड़ी दी गै रही। कदै इसी कुसै दोआस नेईं दिक्खेआ। कदै प्योकै जाने दी उस ने जिद नेईं कीती। परकाश गै जि'यां ओदा परमेसर हा। ...... के आखै।

( ठौंगरे आली चौकी कोल पुज्जियै ओदी नजर परकाश दी बरांडी पर पौन्दी ऐ। ओ ओदे बीड़ें गी औंगली कन्ने छुन्दी ऐ। पही उ'नेईं साफ करदी ऐ। उसी फंडा करदी हुन्दी ऐ जे पन्नियें दी छेड़ सुनचदी ऐ। तौले कन्ने छोड़ियै रसोई पासै चली जंदी ऐ। माया सिरै पर घड़ा चुक्के दे आई जंदी ऐ )

करदे हे। दाज बी चौधरी ने बड़ा गुज्झा दित्ता। उ'आं आखदे जे चार गै संदूक हे पर नगदी ते सुन्ना-चांदी आखदे न बिता थमां बाहरै हा। मत्था जे शहरियें कन्ने लाया ऐ। सुनेआ, कोई बड़े पैसे आले बपारी लोक न।

तां लोक ओदी बक्खी औंगली चुक्कन लगी पे न।

ने एदा के बगाड़ेआ ऐ ? मेरे परकाश बच्चै दी इ'थै ते इक निशानी ए जिसी दिक्खियै ओदी नुहार मेरी नजरी अग्गें फिरी जन्दी ऐ। लामा पर जाने थमां पैहलें ओ आया हा तां उसने ए बरांडी लाई दी ही। दौं दिन रेहियै ओ चली गेआ हा, फही परतियै नेईं आया। ओदे साथै सपाई ने गै ओदी ए निशानी आनियै दित्ती ही। माया गी एदे कन्ने पता नेईं चिड़ की ए ? गल्ल मेरी समझ नेईं आई पुत्तरा। उसी बुरी लगदी होए तां अ'ऊं इसी कोठी जाई रक्खं ठौगरें दी चौकी कोल इसी तां रक्खेआ हा जे ओ बच्चै बी हुन कुत्तै देवतें च गै रली गेदा होना ऐ। तां एदा मतलब होआ जे रूपां सच्च आखदी ही ?

( दोनें जनें चम्भे कन्ने दिक्खेआ जे माया अन्दरिआर भित्तै कन्ने लग्गियै खड़ोती दी उन्दिया गल्लां सुना करदी ऐ )

( जानकी ते ईशर दमैं चुप रौहन्दे न )
( उ'नेंईं हरान ते चुप्प होए दे दिक्खियै, मायां दे ओठें पर निम्मा जनेहा हांसा आई गेआ। उसने इक्क पैर अग्गें पुट्टी ते अपना खब्बा हत्थ अग्गें बधाया। ओदे च इक सलेटी रंगै दा लफाफा हा। जानकी ने माया दे मूंहां पासै दिखदे होई ओ लफाफा लेई लैत्ता। माया बल्लै हारै परतोई गेई। ईशर हरान होए दा माऊ पासै दिक्खन लग्गा। )

माया,

तेरी चिट्ठी पढ़न दे बा'द हुन तुगी भाबी आखियै, छिंडे दे रिश्ते दी ओ कंध खडेरने गी मन नेईं कीता। मेरा हिरख सुच्चा हा तां मिगी ए बरदान ध्ओआ ऐ। मेरी छुट्टी मन्जूर होई गेई ऐ। में इस्सै महीनै आवां करनां। तेरी चिट्ठी में केई बारी पढ़ी, ते हर बारी इ'यां सेही होआ जि'यां कोई पंछी नीले अम्बरें पर हर दुआरी कन्ने उप्पर गै उप्पर हुन्दा जा। दवानचन्द दे फेरे मारने दी गल्ल पढ़ियै रोह बी आया ते हासा बी। पर अ'ऊं अपने मनै दी बेदना दा मैहरम हा, इस करी मिगी उस बच्चै पर रोह घट ते तरस माता

आया। अजें बी ओदे मनै पर खचोई दी कोई पुरानी रेख म्हिसी नेईं, जेड़ी सामियें दे पज्जें उसी साढ़े ग्रां औणे गी मजबूर करदी ऐ। पर दुख मिगी ए पढ़ियै होआ जे दवानू दी इस करतूतै च केईं लोक तुगी बी शामल समझियै झूठे बाके ते चरचे चला करदे न। माया, दूए दी लचारी दा लाह दुआने दी लोकें दी ए खोऽ कोई नमीं चीज़ नेईं। अम्मा तुगी चाननी आंगु सुच्चा समझदी ऐ-ए पढ़ियै मेरी जिन्दू पर सरकंडा-जन उ’ब्बरी आया हा। नेही अम्मा बड़े भागें कन्ने जुड़ीदी ऐ। तूं सच्च लिखिआ हा जे उं’दे करी साढ़ा घर इक देवीद्वारा सेही हुंदी ऐ। नेह तीर्थै च मनै दी मैल धनोई जन्दी ऐ। बरांडी आली गल्ल मेरी समझ नेईं आई। तूं उस बरांडी कोला डरनी की ऐ? बड़े चंभे दी गल्ल! बरांडी च नेहा के भूत ऐ जेहड़ा तुगी औन्दे-जन्दे घूरदा ऐ। भाइये दी बरांडी कन्ने अम्मा दा मोह ते होना कुदरती ऐ। जुआन पुत्तरै दी उ’थै इक निशानी जे होई। एतकी औंग तां मैं अपने आली बरांडी कन्ने उसी बटाई लेई जांग। मेरी बरांडी कोला ते डरने आली कोई गल्ल नेईं ना होग? अम्मां बचैरी ने के आखना ऐ? साड़ी इस गल्ला दा पता लग्गग तां उसी किन्नी खुशी होग। अ’ऊं जान्नां, उसी परकाश दे लामा च मरने दा कोई दुख नेईं हा। उसी ते ओदी मौतै पर सौ-सौ मान ऐ। दुक्ख हा उसी तेरा। उसी झुरा हा तां इ’थै, जे ए मलूक काया, उमरी दा ए इन्ना औखा सफर कि’यां पूरा करग? जदूं तूं अपनी भैनू गी, मेरी गल्ला पर, झिड़केआ हा, उस रातीं इक खिनै आस्तै बी अम्मा दी अक्ख नेईं ही लग्गी। खैर, अस फौजी आं, असें सिखाया जन्दा ऐ जे खीरली फतह गै असली कामयाबी हुन्दी ऐ। ओदे आस्तै दित्ते दे बलिदान ते भोगे दे कष्ट कोई मैंने नेईं रखदे। बाकी अम्मां ते बड़े भाइये गी, में ए गल्ल घर आईयै गै सुनांग। चार ध्याड़े ए मिट्टी गल्ल, मेरे ते तेरे कालजे च गै रस घोलदी रवै।
तेरा उत्तम।