जनता

जनता डरी जा तां लोटी ते धाड़े,
बेही जा, रुकी जा तां पैंडे न भारे,
हिम्मत बसारै तां थोंदी गुलामी,
झुकदी र'वै तां बनी जन्दी (अ)सामी।
सुत्ती र'वै तां ए कक्कें थों होली,
जरदी र'वै तां हंटर ते गोली!
जागी खड़ोऐ तां परबत बी ढा,
रोहा ने दिक्खै तां मह्लें गी खा।

कुसलै ए भाएं बड़ी जरकदी ऐ,
नर्म छाती इसदी धड़कदी ऐ,
सेही हुन्दा, झुकदी ऐ हर झण्डे अग्गें,
नुआन्दी ऐ सिर अपना हर डण्डे अग्गें,
ए जनता भलोकी नमानी बड़ी ऐ,
ए भोली ऐ भाएं, सयानी बड़ी ऐ!
चली जन्दे रावण, ब'जनता अमर ऐ,
समें गी इ'दी ताकतें दी खबर ऐ॥ ✧

                                                        [1953]