ए रावी

ए रावी असां जो ते बंडडी नेईं ऐ,
बगदी मझौटै, ए डंगडी नेईं ऐ,
ए पहाड़ा दी बेटी, शैलैपे दी रानी,
प्रीतां दी तन्द, किज बी मंगदी नेईं ऐ
बसोहली, ओ तीरथ हा चित्तर-कला दा,
जि’यां चम्बा, मंडी, गुलेरां दे चर्चें।
कल्हूरा दा मियां ओ जरनैल स्हाड़ा,
दलेरां दे चर्चे, ए शेरां दे चर्चे
प्रीतां दे तारे चढ़े ए जदू बी,
दपासी ए कूंजें, दे केईं डार आए।
इ’नें कूंजें, प्यारा दे सरबंध जोड़ी,
इ’नें दोनें कडें दे छिंडें मसाए॥
नजर जो मिली मेरी-तेरी कदें बी,
तां गासा इन्दरधनख मुसकराए,
जे बाहमा बधाइयां असें दोनें पासें
तां प्रीतां ने सुरगा दे पुल-जन बनाए !
प्रीतां दी दौलत ए संभदी नेईं ऐ,
ए रावी असां जो ते बंडडी नेईं ऐ ॥ ✧

                            [1969]