भीड़ें दी किश्ती

भीड़ें दी किश्ती पर बेहियै,
दुनिया चलदी मोकले रस्ते।
इस भीड़ै इच धिक्के खंदी,

चलदी जंदी, रुकदी जंदी
रुकदी जंदी, चलदी जंदी
ओ झूरै ते करै बच्चूरे,
नैनें बिच नराशा दे ओ कज्जल पाई लै।
आशा, उद्यम, आदर्शें दे बेदें आली,
मधुर बं'जली रास निं आई
भरमें दा इक ढोल पराना गलै च पाई
उस रौलै दे तालें उप्पर ताल दुआलै।
के चबात जे
मन्नै दे अपने ओ पलचे दे गुं'जल-उसदे
गर्भजून-जन सेही हुन्दे न।
नेरी विक्खड़ी गर्भजून-जन,
‘पब्बू’ जि'यां अपने गै बालें दे अंदर,
अपना-आप बनाई लै कैदी-
अपने गुं'जल बनी जन्दे दुनिया दे गुं'जल। ✧