ना ए साहें चा ब'रदा ऐ, ना ए नज़रें चा ब'रदा ऐ,
मेरे अन्दर कदैं कोई बदल कैसा ए तरदा ऐ\!
नेई डरदा तां नेई डरदा, ए चोरें ते लटेरें शा,
पता निं पत्तें-मुल्लें शा, ए मन मेरा की डरदा ऐ?
ठगोए किन्ने बारी तां समझ इन्नी फुरी कुधरै,
ओ सब सुन्ना नेई होन्दा, जड़ा लशकारे भरदा ऐ।
ज़माने दे संघासन पर कपट गै राज करदा ऐ,
भरम हा जे कपट आखर ए अपनी मौत मरदा ऐ।
सराहो भाग रस्ते च, कुत्तै बी छां नेई आई,
सफर लम्में च, छां ठंडी दा जादू कैहर करदा ऐ।