घटदा नि भार, सौ भाएं भारा दी गल्ल कर,
कोई भाख छेड़ रौंसली, प्यारा दी गल्ल कर ।
सिल्ले पसार न्हेरे न, बिन्द बान्दें आ ओ यार,
धुप्पें दी गल्ल छेड़ किज बाह्रा दी गल्ल कर ।
जित्तैं प' की पसोए ओ, कल्लैं दी होंऐ ओ जित्त,
घेरी लेया ऐ जिसने उस 'हारा' दी गल्ल कर ।
कट्टूने न चार दिन जे तां, आदत बदल मना,
गरमी च ठंड् दी, सोहैं ठारा दी गल्ल कर ।
दुनिया गैं पर्दैदारी ऐ, छप्याल हुनर ऐ, शंगारैं दी गल्ल कर,
भाएं लंगारा दी गल्ल कर ।
उज्जड़ी गेआ जे बाग ऐ, फी फर्क के ऐ यार, पतझड़ दे रोने रो भाएं,
ब्हारा दी गल्ल कर ॥