के-के समझदे रेह् जरो, के-के बनांदे रेह्,
ब्वारें दा इक ख्याल हा, सोचां सजांदे रेह्।
मित्ती दा मुल्ल ? नाजें दी हरियालियें दी रौंस;
अस मूढ़ हे, मित्ती गी गै, मत्थे 'नै लांदे रेह्।
दिक्खे कबीर केईं अंजू चक्की गी पूजदे,
अलमस्त मढ़ियें पर केईं मत्थे घसांदे रेह्।
मंजल दे कैसे सुखने लेई, राह-रहांदू निकले हे,
बच्चा च सब घरें दियां गल्लां सुनांदे रेह्\!
इन्ना बी डूंगा नेईं हा मन, थाह लगदी निं इ'दी,
अनजान हे, बिस्तार गै मिनदे-मनांदे रेह् ॥