झूरे ते सोच तुई मना, की ए छल्लै दे न,
शौरे, दिनें स्ती गै ए, कैसी ढले दे न ?
स्हाड़ा सफर ते गीत हां, मंजल हरान ही,
कैसे कदम रले दे न, कि'यां चलै दे न\!
दीए असें जो बाले हे, न्हेरें च डुब्बी गे,
चेतें च ओ ते अज्ज बी भाएं बलै दे न।
फुल्लें दी सेज की भला, कंडे बनी गेई,
नेकां गै फुल्ल, कंडें च रेहियै पलै दे न।
नजरें च जो सजाए हे ब्वारें दे रूप-रंग,
\#\# Page 120
इक दर्द बनियै कालजै धुखै-जलै दे न।
भोली ऐ किन्नी सैलतन, किरणें 'शा पुच्छै दी,
की रात-दिन ओ पर्वतें पाले गलै दे न ?