जोबन ओ जि'यां धुप्प ही, ढलदी चली गेई,
सूरत ओ जि'यां बर्फ ही, घलदी चली गेई ।
लारें गी बोल समझियै, सजदा रेहा ऐ रूप,
हीखी ओ इक फरेब ही, छलदी चली गेई ।
शिकवा-शकैत कोदे ने करदे, कुसी ही बेहल,
फरयाद अपनी रोलें' च, रलदी चली गेई ।
भोले न फुल्ल व्हाऊ दी गोदै च नच्चै दे,
खुशबू गी बल्लें लुटियै ओ स'लदी चली गेई ।
तेरी गली च याद लेई आई ही चुपचाप,
मित्ती गी लेइयै मत्थे ने मलदी चली गेई ।
जींदे नराशा इच्च रेह, आसा दे आसरै,
बत्ती कदै ए स्ह्लदी, पही बलदी चली गेई ।