इक कलि बागै च मेरै हलचल पाई गेई,
इक किरण चित्तै दे अंगन फुल्लें प' ललचाई गेई।
सोतेआ सुन्ने मनै ने, सद्दरें दा गास हा,
चन्न बनियै इक्क सूरत, चार खिन मुस्काई गेई।
तूं ते में हे, गीत हे, चन्नै च नेईं कोई दाग हा,
ओ रात पही आई नेईं, इक अग्ग सुलगाई गेई।
घाऽ जि'दा रिसदा र'वै, चेता जि'दा डंगदा र'वै,
आखी कु'न गल्ल ही, इक गल्ल जो आई गेई।
इश्क ते इक तपश ऐ, ए जिसी थ्होई गेई,
कायर, डरी दी जिन्दगी इच्च जान फही आई गेई।
राज़दारी \! राज़ मेरे, दुखियें गी सौंपियै,
'राज़दारी दे भरोसे' गी गै बट्टा लाई गेई॥