पात्र-सूची
| पात्र | विवरण | आयु |
|
--- | :--- | :--- |
[ धार्मिक वातावरणै दा सूचक संगीत ]
दृश्य 1
[ त'वी च हाड़ आए दा ऐ। अम्बैरे पर बदलोखी ऐ ]
बाबा
**सुरजन जी, अज्ज तवी माता फ्ही रोहै च ऐ। अम्बैरे ने बी त्योड़ी चाढ़ी दी ऐ। कल्ला दा सनेहा हा आए दा, राजा साहब दा। औने दी हां करी उड़ी ही, पर सेही हुन्दा ऐ जि'यां तवी माता दी गोदा च अज्ज भौंड़ें दा ए तांडव पार पुज्जन नेईं देग।
सुरजन
**उ'आं तुसें जाना जरूरी ऐ ?
बाबा
**होर के जरूरी ऐ, पर उ'थै गल्ल, जे राजा साहब ने चेचा आदमी भेजेआ हा। रातीं ए बरहाऊ नेईं हा। उप्पर कुत्तै पहाड़ सेही होन्दा ऐ, खासा जोरै दा बरैआ ऐ।
सुरजन
**हुन उस बक्खी दिक्खो हां, नीले अम्बैरे परा इन्दर राजा दियां फौजां हटदियां जा करदियां न। ए पानी हुन होर बधना नेईं, बल्लें-बल्लें घटना गै। अ'ऊँ मछुए गी बिंद ख'ल्लें फलाही कन्ने ब'न्नी आया हा। उथैं दरया बिन्द चौड़ा जरूर ऐ, पर उ'थै तु'न्दे आली गल्ल जे मते पैर फैलाओ तां पकड़ निग्गर नेईं रौहन्दी।
बाबा
**मेरी गल्ल नेईं सुरजना, बड़कें दे नाएं दे ध्रुवे न। ए केड़्ऐं जीवनें दे उतार-चढ़ाऽ दिखियै कड्ढे दे सार-नचोड़ न। ए खलार गै एके दा बरोधी हुन्दा ऐ। खिल्लरी दी सोच, खिल्लरी दी जाति, खिल्लरे दे उद्दम, ते स'बनें कोला माड़ा ऐ लालसा दा खलार।
सुरजन
**पर परोहत जी, साड़े इस भलोके देसै च, कुसै ने के पाना ऐ लालसा दा खलार, ते कैहदे पर पाना ऐ ?
बाबा
**ए गल्ल नेईं सुरजना, लालसा दा बीज बड़ा बारीक हुन्दा ऐ। बिन्द सारा थाहर थ्योआ लोड़दा ऐ उसी। बस, फ्ही एदियां पोड़ां आपूं, अपने गित्तै थाहर बनाई लैन्दियां न। माहनू दा संजम, ते जाति दी
मरजादा दौनें गी ए ब'न्नी-जुट्टी लैन्दियां न। ए दौनें गी बगाड़ी दिन्दियां न। शुरु हुन्दी ऐ इक माहनू दे मनै चा, ते जि'यां जंगलें च इक चंगेआड़ी पई भांबड़ बनियै खिट्टे पेई जन्दी ऐ इस्से चाल्ली ऐ, ए खसमाखानी लालसा।
'
**खसमाखानी ? हः हः हः।
Γ
**हफी नेईं, परोहत जो, मांहरखें गी ए बी पछानदी ऐ। उ'न्ने पैरें दी धूड़ लैने गी एदी रूह बी तरसदी ऐ।
सुरजन
**किन्ने चिरा दी गल्ल ऐ परोहित जी ? सुनान्दे न जे जम्मू गी बी लुट्टदेआ-फूकेआ हा उस धाड़ू ततारी नै ।
बाबा
**कोई दो सौ ब'रे होई गे न सुरजना। मालदेव जे रावी पारै दे राजें गी किट्ठा करियै ज्वाला माई दी धरती पर ओदे कन्ने टक्कर लेई ही । उथै गै, उस्से लड़ाई च, अपने पक्खै दियें फौजें दिया पैहली अगली पंकाली च लड़ेआ हा ओ सूरमा। पर इस चाल्ली तौला कन्ने बनाए दे इ'नैं बन्नें उस प्रलया गी किन्ने चिर रोकना हा ? रोकने आला ओ बन्ना नेईं रेहा तां उस ततारी लुटेरे नै जम्मू लुट्टना-फूकना गै हा।
सुरजन
**तुसें परसरामदेव हुन्दी गल्ल कीती ही .....उ'थै साड़े इस बाहवे दे राजे.......
बाबा
**राजा बनने दी इस लालसा दे ए पोआड़े गै इस देसा दा मता सारा इतिहास ऐ सुरजना। अस भारतवासी आं, साड़े इतिहासै च धर्म, सच, न्यांङ ते बलिदान दे, सरकंडे खडेरी देने आले सुच्चे मनुसें दा बी घाटा नेईं, पर स्वार्थी, ते देस-द्रोहियें दी गिनती बी थोड़ी नेईं।
सुरजन
**ते परसरामदेव, बाबा जी।
बाबा
**सुरजना, इक परसरामदेव बचैरे दी गै के गल्ल ऐ ? इ'थै साढ़ी कहानी च, गेई-गेई पर घरै दियें इ'नैं बखैधें दे चर्चें न। जम्मू दे इक राजा कपूरदेव होए न, कोई सवा सौ ब'रा पैहलें दी गल्ल ऐ। संवत 1649 जां 50 च उ'न्दा काल होआ। उ'न्दे दो जागत हे, इक राजा जगदेव ते दुआ राजा स्मैलदेव। राजा जगदेव, बादशाह अकबर दियें फौजें कन्ने दक्खन देस गेदा हा, उ'त्थै ओ लड़ाई च मारेआ गेआ। परसरामदेव ओदा जागत हा। जगदेव मारे गे तां निक्का भराऽ स्मैलदेव जम्मू दी गद्दी पर बैठा। भतरीया परसराम देव जाई मुगलें दी राजधानी च रोएआ। उसने बब्बै दी सेवा दा मुल्ल मंगेआ। मुगलें सोचेआ, डोगरे किंदा आली ब्हादर कौम ऐ, बंडोई दी ताकत खतरनाक नेईं रौहन्दी। बाहवे दा राज उ'नैं परसरामदेव गी देई दित्ता। ए बाहवा ते ओ जम्मू ते मझाटै ए तोह। इक कंधा दुए कंधे दा बैरी होई गेआ। इक बांह दुगी गी बड्डने लगी।
सुरजन
**हे राम! बाबा जी, जुध्या दे ओ रामचन्दर ते भरथ बी भराऽ गै हे। पानी घटेआ ते नेईं ऐ परोहित जी, आखो तां किश्ती खोली लैं। बिन्द ख'ल्लें जाई लगगे, तुसें थोड़ी फराटी होई जानी ऐ।
बाबा
**फराटी दा कोई डर नेईं अड़ेआ, गल्ल रेही जानी लोड़दी। नेईं जां तां मनै च खतोला बनेआ रौहना ऐ, जे पता नेईं कैसी सद्देआ हा ?
जन
**कोई जरूरी गल्ल गै होनी ऐ। तु'न्दे पुच्छे बगैर राजा साहब कोई
शा
**नां बी ध्रुवदेव ऐ ते उ'आं निश्चे दे बी ध्रुवदेव न, पक्के। परस्वार्थी
जन
**गुणियें दा मान करना गै पौंदा ऐ बावा जी। राजें दा ते बस अपना गै
शा
**अच्छा, तां उत्थै कुप्पड़ें पर बिन्द बेही जन्नां सुरजना।
जन
**लौ, ए चादर ख'ल्ल रक्खी लौ। हुन बेही जाओ। ( अपने ख्याला च
ग
**ठीक ऐ सुरजन जी। एक ने कही दूसरे ने मानी, कहत कबीर दोनों हैं
( फेड आऊट )
✧
दृश्य 2
[ गीतमय अन्तराल ( सबेरे दा मौका ऐ कुतै दूर आरती होआ करदी ऐ ) ]
( दो सपाई, इक जने गी, ब'न्नियै नेआ करदे न )
दा माह्नू
की भलेओ लोको, कुतै पानी दा घुट पी लैन देगेओ जां नेईं? ए हां
ई
**ना-ना ए घर नेईं, इत्थै नेईं, ए राज-पुरोहित बावा अम्बो हुन्दा घर
त्रे दा माह्नू
( जि'यां अपने आपै च ) ए बावा अम्बो दा घर ऐ। ( जोरै कन्ने )
नी बाज
( कुतूहल ) ए कु'न ऐ बाहर बावा जी गी पुकारा दा? ओ पूजा च
त्रे दा माह्नू
माता जी, मिगी पैहलें पानी दा घुट देओ ( हफे दे जन ) मेरे धन
जनानी
**अ'ऊं पैहलें तुगी पाणी पल्याई लें- पछी सुणायां तूं अपनी गल्ल।
जट्ट
**(नौकर) मां जी, पाणी औं पलेआंन्नां, तुस इस बेचारे दी गल्ल सुनो।
जनानी
**चंगा तुऐं लेई आ। ओ हां, ओ बी आपूं आई गे न।
बावा
**के गल्ल ऐ? कु'न ऐ ए? के आखदा ऐ?
सपाई
**परोहित जी, मत्था टेकना।
बावा
**सुखी र'वो। बै, ए सवेरे-सवेरे कुसगी ब'नी-जुट्टी लेई आए ओ?
खत्तरी
**बावा जी, मेरा बी मत्था टेकन कबूल होऐ। औं तु'न्दी गै शरणी आं, तु'न्दी गै साहब आं, परोहित जी। मेरी इज्जत हुन तु'न्दे गै हत्थ ऐ।
बावा
**के गल्ल। गल्ल के ऐ? इ'नें तुकी फगड़ेआ की ऐ? भई, तुसें इसी की फगड़ेआ ऐ?
सपाई
**महाराज, असेंगी हुकम होआ हा जे फलाने थाहर बड़ा बपारी ठैहरे दा ऐ उसी फगड़ी आनो, सै हुकम्म बज्झे दे असें, कुमेदान हुन्दे फरमाना मूजब, जाइयै इसी रातीं गै फगड़ी लेआ। पता नेईं, इसने के पराध कीता ऐ? किज कसूर कीता गै होग ना, बावा जी।
खत्तरी
**कसूर? अ'ऊं सारी गल्ल सुन्नां बावा जी। (थोड़ा रुकियै) गल्ल बिन्द परानी ऐ। कोई अट्ठे-दस्सें बरें दी। जम्मू दी ए सरकार तदूं युवराज हे, टिक्का हे। मेरी हट्टी इ'न्दा लैन-देन चलदा हा। दुहार औंदा-जन्दा रेहा। इक बारी दुआर परताने च किज मता चिर लग्गा तां मैं आदमी भेजियै अर्जी कीती। टिक्का साहब ने रुक्का देइयै गलाया जे आओ, जम्मू दा रकम लेई लौ। अ'ऊं किश कसरी हा, ते हट्टी पर होर दूआ जना बी कोई नेईं हा। मैं आखेआ, तौल के ऐ, जेल्लै भेजी सकोगे ओ, भेजी देओ। असें जम्मू नेईं जान हुन्दा। गल्ल सुनियै उ'नें बड़ा रोह कीता। डराया-धमकाया ते चली गे। दुए-त्रिये दिन पैसे भेजी दित्ते। गल्ल आई गई होई गई। पर सेही हुन्दा ऐ जे उ'नें उसी नेईं बसोआ। मिम्मीं इस लाके च कदैं नेईं आया, ऐतकी गै आयां तां पता नेईं कुन्ने मुखबरी जाई कीती। सै औं समझनां सरकार गी उ'थै पराना रोह होना ऐ। मैं बी बसदा-रसदा आदमी आं परोहित जी, मेरी के इज्जत रही। (गला भरोई जन्दा ऐ)
बावा
**बस इन्नी गल्ल ऐ? सच आखा दे ओ?
खत्तरी
**बस, इन्नी गै गल्ल ऐ, परोहित जी, मिगी अपने देवतें दी सगन्ध ऐ। मेरा कुल नष्ट होई जा जे अ'ऊं झूठ आखां।
बावा
**तां कोई डर नेईं। अस आपूं राजा साहब गी जाइयै आखने आं।
निरदोसें गी दंड देने आले ओ बी नेईं। म्हाड़ी गल्ल ओ नेईं मोड़दे। तूं चिन्ता नेईं करआं। सिपाहियो, तुस इसी लेई चलो, अस बी आई पुज्जने आं। हां! कुमेदान होरेंईं मेरे पासेआ सुनाई ओड़ेओ जे ए मेरी सांहेब ऐ।
री
**परोहत जी, शरणी आए दे गी बसारेओ नेईं। में तु'न्दा नां सुनेदा ऐ, तु'न्दा जस्स सुनेदा ऐ। अ'ऊं निरदोस आं, बावा जी। बस्स तु'न्दी गै शरणी आं। दुहाई ऐ-बावा अम्बो दी।
त्रा
**डरो नेईं, शाह जी। जे तुस सच्चे ओ तां फही कोई डर नेईं।
तरी
**डर समें दा ऐ परोहत जी। जि'न्दे कोल हाकमी दा बल ऐ, जे उ'थै बेन्याई पर उतरी औन तां सचाई बचारी दी के पेश जंदी ऐ।
त्रा
**नेईं-नेईं ऐसी गल्ल नेईं। म्हाड़े राजा साहब हाकमी दा दुरुपयोग करने आलें चा नेईं। ओ न्यांऽ ते सचाई दी परख कराने आले न।
✧
दृश्य 3
[ चली जन्दे न......फेड आऊट......संगीत दो सकिंड ]
त्रा
**टल्ले लान लगी पे ओ। रसोऽ तयार ही, ग्राह खाई लैन्दे। उथैं गेदे पता नेईं कुस बेल्लै परतोन होए।
बो
**भोजन हुन आइयै गै करग। ए खत्तरी असेंईं निरदोस सेही हुन्दा ऐ। बचारे गी, पता नेईं राजा साहब ने की फगड़ी नुआया ऐ। ओदियें गल्लें परा ते चेहरे परा ओदे निरदोस होने दा असेंईं निशचा होई गेआ ऐ। राजें दा स्वातम राजसी हुन्दा ऐ के पता पुरानी गल्ला दी जिद्द अजै कुतै मनै च बनी दी गै होए। मेरे गे बग़ैर, उसी पता नेईं के कष्ट जरना पवै।
त्रा
**उ'आं ए जिद्द बी बड़ी नकारी गल्ला दी ऐ। उसलै ते चलो जुआनी ही, पर अज्ज ते राजगद्दी दी जिम्मेवारी उ'न्दे पर ऐ। इस चाल्ली पुरानियें गल्लें दे बदले लेइयै ते राजकाज नेईं चली सकदे।
बो
**इस्सै करी ते अ'ऊं आपूं जा करनां। उसने मेरी दुहाई दित्ती ऐ। ओ मेरी सांहेब ऐ, में उसी बचन दित्ता ऐ।
त्रा
**पर .......
बो
**पर के ......?
त्रा
**जे सच्चें गै राजा साहब गी एदे कन्नै कोई पुरानी जिद्द होई ते उ'नें तु'न्दी गल्ल नेईं मन्नी ........ तां .......?
बो
**तां ? ( रुकियै ) तुसें ठीक गै सोचेआ। गल्ल गम्भीर बी होई सकदी ऐ। राजा, अगन ते जल इ'न्दा स्वातम बदलौंदें चिर नेईं लगदा। पर म्हाड़े आस्तै ते भलियै लोके, डरै आली गल्ल दे होई सकदी ऐ?
राजा सहाड़ी गल्ल मोड़ी उड़ग ते, मेरी दुहाई देने आले गी दुख देग तां ........असें जीन्दे परत्तियै की औना ऐ ? अस इन्ने बे-गैरत होई जागे ?
माता
**[ गला भरोच्ची जंदा ऐ ] तुसें परत्तियै नेईं औनां तां फही असें जीऐ के करना ऐ ? तां सहाड़ा के बनग ?
अम्बो
**तु'न्दा धर्म तु'न्दे कन्ने ।
माता
**पर असेंईं पता कि'यां लग्गग जे राजे ने तु'न्दी गल्ल मन्नी जां नेईं मन्नी ?
अम्बो
**ओदा पता तुसें गी लग्गी जाग। जे असेंईं परतोने च मता चिर लग्गा ते जे तुसें, सामने पार, मंडी च कोई रौला पौन्दा सुनेआ तां समझी लैना जे अस अपनी ईना दी राखी आस्तै अपने प्राणें दा मुल्ल देई उड़ेआ ऐ।
✧
दृश्य 4
x x x
[ पैरे दी छेड़। तवी दी सूंक। किश्ती पर चप्पुएं दी छेड़। सां-सां हवा दी। शंका ते डरै दा सूचक संगीत ]
अम्बो
**कुमेदान जी, सरकार बैठे दे न ?
कुमेदान
**तुसेंगी गे चैतै करा करदे हे।
अम्बो
**तां अन्दर मेरे बारै च आखेओ।
कुमेदान
**ए महाराज अज्ज, आखने-दिखने आली नमीं गल्ल की? साहब अन्दर आओ। [ जाना ]
राजा ध्रुवदेव
[ गम्भीर गलानी च ] परोहत होर आई गे ल'बदे न। परोहत जी चरण-बन्दना।
अम्बो
**अशीरवाद ऐ सरकार।
राजा
**परोहत जी, असेंईं पता लग्गा जे ओ खत्तरी तु'न्दी दुहाई देई आया ऐ। सै असें उसी उस्सै बेल्ले छोड़ी दित्ता। बावा हुन्दी साहिब ते साड़ी अपनी साहम्ब ऐ। ओ तुसेंगी सीसां दिन्दा अजें इत्थै गै होना ऐ। तुसेंईं ल'ब्बा नेईं ? [ आला दिन्दा ऐ ] कुमेदान जी।
कुमेदान
**जी सरकार !
राजा
**ओ रल्ली सहाड़े परोहत हुंदी साहब ही। असें इस्सै करी उसी छोड़ी दित्ता हा। कुत्थें गेआ ऐ ओ ? परोहत हुन्दे पैरें हत्थ लाई जन्दा।
कुमेदान
**सरकार ने आखेआ हा जे उसी खलाई-पलायै टोरेओ, सै .......
राजा
**ठीक-ठीक। खाई लैग तां ......
दान
**ओ खाई बैठा ऐ सरकार ।
T
**बस ठीक ऐ। सरकार ने बड़ी मेहरबानी कीती। मेरी इज्जत रक्खी लेई। हुन अनुमति देओ तां अम्मी चलां।
T
**पर तुस हुन्ने पुज्जे ते हुन्ने बापर। बिन्द बसांऽ करी लौ। आए दे चौपड़ा दी इक-अद्धी बाजी ते होई गै जानी लोड़दी।
π
**जो आज्ञा सरकार, तां अ'ऊ उस खत्तरी गी बिन्द मिली औन्नां।
[ बाहर आइयै ]
री
**परोहित जी, दिक्खी लेआ तु'न्दे नां दा चमत्कार। जे किश सुनेआ हा, ओदे कोला सौ गुणा बद्ध दिक्खी लैत्ता। धन्न ऐ ए धरती जित्थै तु'न्दे जनेह परस्वार्थी महापुरख न। में सरकार दा बी धन्रवादी आं पर ओदे कोला बी मता तु'न्दा .....तुसें ......
रा
**अपने-अपने भाग फलदे न, शाह जी। घड़ी चंगी होए तां सारे संजोग ठीक उतरदे न। माड़ी घड़ी आई जा तां उसी कोई नेईं टाली सकदा। चलो चंगा होआ। तुन्दा कष्ट दूर होआ ते साढ़ी ईन परमात्मा ने रक्खी लेई। तुस हुन इक कम्म करेओ, परतोन्दे होई, म्हाड़े घर हुन्दे जाएओ ते सुनान्दे जाएओ जे सब किश ठीक-ठाक होई गेआ ऐ। में आपूं बी चली पौन्दा पर सरकार आखा करदे न, घड़ी भर इ'न्दे कच्छ बहियै औंग, इक अद्धी चौपड़ा दी बाजी खेढियै।
नी
**सत बचन परोहित जी। अ'ऊ सारी उमर तु'न्दा ए उपकार नेईं बसारंग। तुसें मेरी लाज रक्खी लेई। परमेसर तु'न्दा मान-मलहाजा दूना करै।
[ संगीत दी इक हल्की नेही तरंग ]
रा
**परोहित जी, महाभारत्तै च कौरवें-पांडवें बी इ'थै चौपड़ खेडेआ हा। इक मामूली गल्लै दा कैसा गलाड़ बनी गेआ हा! हे मालका! दोऐ धड़े उज्ज़ड़ी-पुज्ज़ड़ी गे। उ'नें, इस गल्ला दा चंगा-माड़ा के नतीजा होग, ए सोचेआ की नेईं, परोहित जी ?
हित
**-'विनाश काले विपरीत बुद्धि', राजन्! रिखियें-मुनियें माहनू दे स्वातम बारै ए गल्ल झूठ थोड़ी आखी दी ऐ?
शा
**पर परोहित जी, एदा मतलब ए होआ जे उ'न्दे भा'गें च गै बरबादी लिखी दी ही?
हित
**जे भागें दा मतलब मनुक्खें दे अपने चंगे-माड़े कम्मे दा फल लैचै तां तु'न्दी गल्ल ठीक ऐ ते जे आखो हर इक जीव कोई लिखी-लखाई दी लिखत लेख्यै गै जमदा ऐ ते सारा जीवन उ'नें रेखाएं दी गुलामी करदा ऐ तां मनुक्ख जीवनै दा मान-महत्तव बड़ा घटी जन्दा ऐ। नेकी, सचाई, सेवा, त्याग, न्यांऽ, बलिदान, भाईचारा, इ'नें गल्लें दा ते तां
कोई मुल्ल नेईं रौहन्दा।
राजा
**ते फही ईश्वर।
बावा
**सरकार ईश्वर उन्ना गै सच्च ऐ जिन्ना मनुक्ख। मनुक्खै दी अकली ने गै उसी तुप्पेआ ऐ। निर्जीव सृष्टि आस्तै ईश्वर दा होना के ते, नेईं होना के।
राजा
**ते ए आखना गल्त ऐ परोहित जी जे अस सारे इ'यां गै जि'यां ए निर्जीव गोटां न, ते ए निर्जीव पासे न। कोई अनजाने अनदिक्खे हत्थ इ'न्हें पासें कन्ने खेडदे न ते गोटें गी चुक्की-चुक्की अग्गें पिच्छें रखदे न।
बावा
**सरकार, सृष्टि दा रहस्य बड़ा औखा ऐ। जड़ा आखे जे अ'ऊं इसी समझी गेआं, उ'यै अनजान ऐ, ते जड़ा आखै ओ इसी नेईं समझी सकेआ, समझो ओ सचाई दे किज कोल ऐ। उपनिषदें दी बाणी दा इ'थै सार ऐ। इस करी गल्ल आई जन्दी ऐ अपनी-अपनी समझ उप्पर। ते एदे च हर्ज बी के जे माह्नू दी अकल इस गोरखधन्धे दा बी मुजरा लै ते एदा सिरा-पैरा लाने दा जतन बी करै।
राजा
**फही गल्ल मुक्की कुत्थै परोहित जी?
बावा
**मुक्की अपनी अकली दी समार्था पर। नीले अम्बरा च जिन्ना-जिन्ना कोई पक्खरू उडुरी सकै, उडुबै। कोई मनाई नेईं, कोई पाबन्दी नेईं।
राजा
**ए ते ठीक ऐ। फ'ग थ्होए दे न, तां उडुना ते चाहिदा गै।
बावा
**अकल थ्होई दी ऐ तां सोचने-समझने दा जतन बी करना गै चाहिदा।
राजा
**(हस्सियै) ए गल्ल ते सोलां आने ठीक ऐ, पर माह्नू दी अकल पुज्जग कुत्थै तगर?
बावा
**सरकार एदा अनुमान वेदें थमां, उपनिषदें थमां, बाल्मीकी, व्यास, कालिदास दियें अमर रचनाएं कोला, दर्शन-ग्रन्थें कोला, नीति-ग्रन्थें कोला ते जां फही कला ते शिल्प सरबन्धी रचनाएं गी दिक्खियै वास्तुकला ते मूर्तिकला दे चकत-मुग्ध करने आले खजाने गी दिक्खियै गै कीता जाई सकदा ऐ जे माह्नू दी अकल कुत्थै तगर पुज्जी सकदी ऐ।
राजा
**धन्न ओ परोहित जी! तु'न्दी गल्ल ठीक ऐ जे माह्नू च बी कुतै कोई ब्रह्मा मजूद ऐ।
बावा
**छड़ा ब्रह्मा गै नेईं, महाराज, विष्णु बी ते शिव बी। ते इ'नें देवतें दे कन्ने कन्ने गै कनीतियें ते करस्ते दे मालक दानव बी मजूद न।
[ दोऐ हसदे न। इन्ने चिरा मैहलें दे बाहर मंडिया च किज रौला
सुनचदा ऐ, जड़ा थोड़े चिरा च गै बधी जंदा ऐ ]
ना
**[ फिकरमन्द लैहजे च ] कुमेदान जी !
मेदान
**[ दौड़दे होई प्रवेश करियै ] सरकार, तुसें चेता कीता।
ना
**ए रौला कनेहा पेआ ऐ ?
मेदान
**सरकार, तबेलें चा कोई सरकारी घोड़े खु'ल्ली गे न। ओ बजारै चा नसदे गे न। लोकें च नस्स-भज्ज पेई गेई। साईस पिच्छें लग्गे दे न।
ना
**पर, ए इन्ना रौला घोड़े खु'ल्लने करी नेईं हा पौना चाहिदा। चलो, अस आपूं दिक्खने आं। आओ पुरोहित जी चलचै।
वा
**सरकार, में ते घरा आए दे बी बड़ा चिर होई गेआ ऐ। हुन अनुमति देओ, अ'ऊं चलनां।
ना
**चंगा, पुरोहित, जी, तां तुस चलो।
[ रौल बल्लें-बल्लें घटी जन्दा ऐ ] [ संगीत ]
वा
**सुरजना, तूं बै इन्ना घबराए दा की ऐं ? मेरी बक्खी इस चाल्ली की दिक्खा करना ऐं ? ए सहाड़े घरा चा इन्ना धूं कनेहा ऐ। बै, कुतै अग्ग लग्गी ऐ के ? हरे राम, अग्गी दे ओ गुम्मे सिरी राम। परमेसरा। ए के ऐ ? तूं बोलदा की नेईं।
जन
**पुरोहित जी, पर तुस ते ठीक ओ। ते ए झूठी खबर कि'यां आई जे नग्गरै च तुसें आतम-घात करी लेआ ऐ ? ए रौला कनेहा जेहा हा? पुरोहित जी, तुस चिरें पुज्जे ओ। इस बेल्लें तगर ते उथें हुन बस, ए अग्गी दे लोरे ते ए धूं गै बाकी रेहा होग। सारे ग्रां नै अग्ग स्हालने दा जतन कीता पर सुक्के काठा गी लग्गी दी अग्ग ! फही भित्त अन्धरा बन्द करी लेदे है माता जी नै। तु'न्दा कामा जट्टू बी ते कालू कुत्ता बी। कोठे च रौहने आले होर जीव-जन्त बी।
त्रा
**तां ओ रल्ली खतरी ग्रां च सुनन्दा नेईं गेआ ? ओ हो। ईश्वर इच्छा गै बलवान ऐ। असेंईं राजें ने बुहाली लेआ हा। ते रल्ली गी घर जाने दी तौल होनी ऐ। पर आदमी इन्ना स्वार्थी की होई जंदा ऐ ? असें उसी आखेआ हा जे ओ साढे घर सुनन्दा जा। चलो, ठीक ऐ। गलती साडी गै ही। असें गै उथें रुकना नेईं हा चाहिदा। पर .......
जन
**पुरोहित जी, तुस ....... हुन ....... ?
त्रा
**अस बी उस्सै ईश्वर इच्छा दा पालन करगे सुरजना। परिवार नेईं रेहा। उ'नें अपनी ईन पाली, अपनी मरजादा नभाई। साड़े सेवक जट्टू बी जीवनै दी सौग नभाई। ते कालू ने पशु होइयै बी। ए स'ब्बै जने जिस रस्ते खुशी-खुशी चली गे न। असेंई भला उस्सै रस्ते चलदे डर भरम
की होईए ? सुरजना, जीवन दी इन्नी गै सार्थकता ऐ। अज्जै दा दिन बड़ा शुभ दिन ऐ। असें अपनी ईन निभाने दा प्रण पाया हा। ओ पूरा होई गेआ। इक निर्दोस माह्नू छुड़की गेआ। असेंई इस गल्लै दा सन्तोख ऐ। सिरा पर कोई डग्गी नेईं, भार नेईं, ते रस्ता सिद्दा पद्दर ऐ।
( अम्बो दौड़दे न )
सुरजन
**बाबा जी, बाबा जी। बड्डा बुड्डा आं, मेरे कोला नेईं दौड़न हुन्दा, पर तुस ........तुस रुकी जाओ, तुस रुकी जाओ देवता। इस धरती पर तु'न्दी अजें बड़ी लोड़ ऐ, अजें बड़ी लोड़ ऐ।
इक ज्याणा जागत
(डुसकदे-डुसकदे) बाबा अम्बो बड़े चंगे हे।