पराना बड़ नमीं सिड़क

पात्र-सूची

दियें इ'नें कारें-लकीरें गी टप्पियै आपमुहारी होई जन्दी रेही ऐ। शराब पीने
दी मनाही हर धर्मै च मजूद ऐ पर हर धर्मै दे मन्ने आले इ'नें बोतलें-
प्यालें मोही लैते दे न। तूं छोड़ इस चिन्ता गी।

: अ'ऊं की करन लगी ए चिन्ता, पर मोटरें-लारियें गी ए शराब गै मतेबारी
पुट्ठा परतदी ऐ तां उ'दे कन्ने मिगी बी भुगतना पेई जन्दा ऐ।

: शिवदेइये, शुकर कर अस बी जीवनै दी इस गैहमा-गैहमी दे इन्ने कौल
आई गै आं, नेईं तां इक उमर बीती गेई ए न्हेरें ते छौरें दे इ'नें घोर-मस्सोरें
च। बाऊ दे फनाके ते चन्ना-सूरजा दियें रिशमें कोला गै पता लगदा हा जे
रुत्त बदलोन लगी ऐ! ए हलचल, ए रौले दा संगीत, ए लैहरा खन्दी गति
गै जीवन ऐ मोड़ये। इ'थै गति सब किज ऐ, [ बल्लें-बल्लें ] इ'थै गति
सब किज ऐ।

: [ नीन्दर ] आवा करदी ऐ दादु ?

: उंग नेईं, नन्दू ढकालिया ऐ आवा करदा। इस बचारे दे गु'जल सम्भने च
नेईं आए। भाएं इक्कला गै, पर दिक्खो हां, के सोचें च पेदा ऐ। चार गैईं
पुट्टियै रही रुकी जन्दा ऐ, मुड़ियै दिक्खी लैन्दा ऐ, पछी चली पौन्दा ऐ।
कु'न ऐ एदे पिच्छें लग्गे दा जिसी भालदा आवा करदा ऐ।

: हे राम! नक्क प्राण आई गे न इस कुड़ी दियां गल्लां-सुनी-सुनी ते चु'ब्बां
जरी-जरी। अ'ऊं बी समझ्या करनां जे बापु होरें छड़ा पैसे आला, कुलीन
घर दिक्खियै ब्याह-सरबन्ध करने च समझदारी नेईं ही कीती- पर
स'बनें कुड़ियें गी कदुं मन-मरजी दे गै घर जुड़दे न? ते स'ब्बे कदुं एदे
आंगर सौहरियें गी इस चाल्ली दुल्कारियै प्योकै आई बौन्दियां न? उ'आं
दस्सो, नाते च माड़ बी के ही? जागत कप्तानी पिच्छन लेइयै आए दा
हा। ना, दुए ब्याह नेईं गे ब्छौंदे लोक? आखर इसने बी ते पंज-सत्त
महीने उ'न्दै कट्ठे गै न्हे। फही नेहा के तारा डुब्बी गेआ जे इक बारी आइयै
इसने उथें परती जाने दा नां गै नेईं लैत्ता। ओ आई पुज्जी ऐ। मिगी पता
हा जे इसने आई जाना ऐ- पर हुन में एदे कन्ने परतियै जां तां नन्दू
ढकालिया नेईं। बस, आए दिन इ'थै जनेहा नाटक हुन्दा रौहन्दा ऐ। लोक
बी के सोचदे होंगन। सोचदे भाएं किज बी होंगन पर कुसै दी मा घमाई
ऐ जे एदे सामनै कोई गल्ल करी जा। [ इन्द्रो दा औना ]।

: मामा जी, अ'ऊं ते हुट्टी गेई आं। भई, बड़े तेज चलदे ओ तुस। ए ढक्की
औतरजानी, उतरदे-चढ़दे खुच्चां निकली जन्दियां न। पर अ'ऊं अज्ज
तुसेंगी मनान नेईं आई। जि'नें रोज रुस्सणा होए उ'नेंईं कोई मनाइयै बी के

करें ? पर तुस जदूं बी घरा रुस्सियै तीर्थें चली जाने दी गल्ल सुनाइये घरा नस्सदे ओ तां दो चीजां भुल्ली जन्दे ओ। इक ए माला ते ए सिगरेटें दी डब्बी। तीर्थें पर जाओ तां मालां तां कोल होनी गै लड़चदी ऐ ते तीर्थें तगर पुज्जने आस्तै रुट्टी भाएं थोए जा नेईं, पर सिगरेट-बीड़ी दी सहारा ते लोड़दा ऐ। ए दोएं चीज़ां पेदियां दिक्खियां तां मैं गे सही कीता जे मामा जी ने फ्ही तीर्थें दी त्यारी करी लेई ल’बदी ऐ। ए साम्बो अपनियां दोए चीज़ां ते अ’ऊं चली।

आं? अ'ऊं पुच्छनी आं जे मेरे मास्टरयानी बनने पर तु'न्दे कुल्लै दे मत्थे पर दाग की लगदा ऐ ? अ'ऊं मां-मेहतर ही तां तुस मिगी इत्थै कैसी नेईं आए हे ? में ते नाना होरें गै पिता समझदी आई ही। जि'नें मिगी कालजै तगर पढ़ाया, लोऽ दस्सी, सोचने-समझने जोग बनाया। उ'नें गै मेरे आस्तै दकियानूसी बचारें दा एहे कैदखाना की तुप्पया ? इस करी जे में मां-मेहतर ही ? तु'न्दे टुगड़ें पर पली दी अनाथ कुड़ी ही ? तु'न्दे फैसले मूजब अ'ऊं उस दमघोटू कैदखाने च गै मरी जन्दी तां तु'न्दी जैलदारी दा मान उज्ज्वल बनेआ रौहन्दा ?

: सहाड़े धर्म-ग्रंथ ते शास्त्र कुड़ियें दा इ'थै धर्म आखदे न, इन्दरो।

: दिक्खेआ। इस कुड़ी दा तरारा! हरे राम, हरे राम! "औने दा खर्च ते तुसें लोड़दा नेईं .......जे लोड़ पौग तां खत पाएओ भेजी देंग।" एसियां पिप्पलीं बरूदी जन्दी ऐ गल्लें कन्ने जे जिथें-जिथें छहोन उथै गै जाला पेई जा। अ'ऊं एदा मामा ते ऐ मेरी भनेई। औं पुच्छनां, बलिये लोके तूं मेरा स्वातम नेईं सही ? अ'ऊं ते होआ सुदाई-मूढ़, पर तूं ते पढ़ी लिखी दी ऐं, चतर-सयानी ऐं। इक जना मूढ़ता करै तां उसी धिक्के देइयै डडला रलकाने च के चतराई ऐ ? तुऐं दस्स बड़ देवता, ऐ कोई चतराई एदे च ? ए आखदी ऐ नाना होरें इसी डडला रलकाया हा जेहड़ा उ'नें कप्तानै कन्ने इसी ब्याही दित्ता हा। चलो उ'आं गै सही, पर बलिये लोके, बदला हूण तूं मेरे कन्ने लै करनी। धिक्के मारी-मारी ग्रां थमां कड्ढा करनी। भला पुच्छो, तीर्थें जाइये में भुक्खे मरना ऐ ? ओदे कोला ते चंगा ऐ जे इत्थै गै कटारा घाइयै आत्महत्या करी लूँ। की बड़ देवता ? चेता ऐ ना तुगी ? तुगी बचाने आस्तै बी इक बारी कटारा घाइयै मरने दी गल्ल आखी ही ते तुगी ठेकेदारें दे कुहाड़े कोला बचाई लैत्ता हा। ओ हो-हो। नन्दू ढकालिया। तु'म्मी अपने जमाने च कोई चीज हा, पर इस कुड़ी ने तुगी कक्खें कोला बी हौला करी टकाया ऐ। चेता रक्खेओ ग्रां आलेओ, मिम्मी जैलदारा दा पुत्तर आं, कटारा खांग तां अपने गै बेहड़ै ......हां ... [ उट्ठियै चलदे चलदे ] अपने गै बेहड़ै, हां अपने गै बेहड़ै। (थोड़ा

चिर चुप छाई रौंहदी ऐ )

: नेईं मंगलो, सारे नेईं। पर कोई-कोई चतर-सयाना सुनी-समझी लैंदा ऐ। इस ग्रां च होर खबरै कोई ए गल्लां सुनी-समझी सकै जां नेईं पर अ'ऊं समझनां जे इस हर-मसालै पिप्पला-मूल नन्दू ढकालिये दी ए भनेईं जरूर समझदी ऐ।

: नन्दू आखदा ए ना जे ओ कटारा घाइयै मरी जाने दा डर नेईं दसदा तां ठेकेदारा ने, मिगी कपाइयै सिड़की सीधी करी लैनी ही, पर मिम्मी जान्नां ते लोक बी जानदे न जे नन्दू गर्जने आले बदलें दा रूप ऐ, जड़्हे ब'रेदे नेईं। इस्सै कुड़ी ने उस बेल्लै मेरै पासै घुरियै दिक्खेआ हा; मेरे पत्तरें तालियें पर छाएदा मौतै दा सैहम उसकी पैनी नज़रें कोला छप्पे-खट्टे दा नेईं हा रेहा। उसने मुसकराइयै अपने मामे पासै दिक्खियै बल्लै जनेही आखेआ हा, "मामा जी, ए तुसें कटारा खाने आली बड़ी माड़ी गल्ल कीती ऐ। चलो सिड़का गी बिन्द डींगा होई जान देओ पर तुस अपने कटारे गी ए कष्ट नेईं देओ।"

: ए जीप के भुब्बल डोआरदी आई ऐ, इसी लंगी लैन दे, पही सुनानां।

[ इक मर्दानी अवाज ] - की कप्तान साहब, जीप की रोकी लेई ? कारतूस ते नेईं आनने भुल्ली गे ? जंगल ते अजें खासा दरेडै ऐ।

: कुसै दिन चलचै उथें ? रुस्सी दी भाभी गी मनाई लेई औचै।

: इन्ना गुस्सा कप्तान साहब ?

: [ बल्लें-जनेही ] मंगलो।

: पनछानेआ ? -

1. धर्म दे उपदेश
2. खोहरा।

झलक 1

रस पीने दा के हक ऐ।

झलक (3)
( संगीत दा उ'ब्बरना ते मध्यम होना )

: परिवर्तन दी ए उथल-पुथल शुरू-शुरू च बड़ी ओपरी सेही हुन्दी ऐ मगलो, पर जि’यां जिमीं च हल बुड्डदे न ते फही फसल लैह-लैह करदी ऐ, फसले दी ओ हरियाली ते सनैहर कोदा मन नेईं मोही लैन्दी ?
: ठीक ऐ दादू, तां गै ...... ए कुड़ी सौहरेआ इत्थें अपने ननेहाल आई गेई ऐ। पर उस न्हेंरे च ए किरण रौहन्दी तां कुश्वा ओ न्हेरा बी थोड़ा-मता छंडोई जन्दा।
: जां उस न्हेरे ने इस मासूम किरणै गी बी बल्लें-बल्लें निंगली जाना हा।
: न्हेरा ते लोऽ ! ए कैसी माया ऐ इस सृष्टि दी दादू ?
: बस इ’थै संघर्ष ते सृष्टि ऐ, शिवदेइये। इ’थै अनन्त संघर्ष ऐ। ना न्हेरे मुक्कने च औन्दे न ते ना किरणां हार मन्नदियां न। सेही होन्दा ऐ जे कप्तान वापसी पर जीप लेईयै ग्रां आले रस्तै गेआ ऐ। ओ धूड़ उड्डरी ऐ उत्त कच्ची सड़का पर।