उस बेल्लै बी सिदक-वफ़ा दी बत्ता उप्पर
डीडो दे मतवाले ग'बरू
ईन दे झंडे लेइयै निकले।
x x x
दुश्मन उसदी तलओआरी दे दिक्खी जलवे
सुलह दे हत्थ बधांदा रेहा।
उसगी सुन्ने कन्ने बौं ओह तोल्ली लैंदा
थेह उसदे ओह कच्चे झुगटी
सुंदर मैहल बनी सकदे हे
थ्ओई सकदे हे उसगी बी राज-जगीरां।
मनसबदारी/उच्ची कलगी।
मान ते इज्जत/थ्ओई सकती ही
इक बारी जे डीडो अपनी।
ईन-खुमारी छोड़ी दिंदा
लाहोरा दे दरबारै अंदर-
दिंदा सीस नुआई जेकर
अपनी ढाल-तलओआर उसदे पैरें अग्गें रखदा जेकर
जि'यां इससे धरती दे किश हाजतमंदें
ईन-अजादी भेंट सजाइयै
पेश कीती ही जाइयै जिसलै
उ'नेंगी थ्ओई मनसबदारी
चक्क-जगीरां/खिल्लत/कलगी
थ्ओई हकूमत/थ्ओाए खजाने।
सब किश थ्ओआ।
नेईं थ्ओई पर उ'नेंगी रत्ती.
दर्दमंद लोकें दी शरधा
प्यार-मोहब्बत दे फुल्लें दे हार निं थ्ओए।
गौह-गौरव दा ताज निं थ्ओआ।
ईन दी सुच्ची कलगी गी ओ पाई सके नेईं।
उस रिश्ते इच ब'न्नी लैते
. अमर शहीद मियां डीडो ने
दर्दमंद ए लोक नमाने!