अपनी गै लोथ चुक्खिकयै धरै कोई,
प्रीतै च रंग नेईं र'वै, कि'यां जरै कोई ?
ओ चाननी हिरखै दी, ओ खुशबुएं आले साह,
हुन तोहमतों ए ओदियां, कि'यां जरै कोई ?
हिरखै दे फुल्ल बतें च जिसदी बछाए हे,
ओ जानियै कंडें च फही कैसी चलै कोई!
अक्खीं दा ए कसूर ऐ, मन सूलिया चढ़ै,
दुनिया दी रीत ऐ- करै कोई, भरै कोई।
ए दुबधा, ए झिझक, ए भागें दा आसरा,
सब किज रुद्धै, नेहा कुत्तै बद्दल बरै कोई।
अतरा दी परख चक्खिकयै करदे न जिस ग्रां,
उस थाहर कि'यां भुल्लियै बी गैं धरै कोई ॥ ✧