जीना, जे गीत हा तां, गाना असें निं आया,
फुल्लें दा हार हा तां, पाना असें निं आया।
आशा दी मक्कड़ी ने लाए हे जित्थें जाले,
चित्तै च इक किला हा, ढाना असें निं आया।
गल्लें गै गल्लें कन्नै, मंज़ल गी पार कीता,
पंडे दा लाना असली लाना असें निं आया।
जन्दे हे बिन बलाए, बौंहदे हे बिन कुआले,
बौहना, असें निं आया, जाना असें निं आया।
दुक्खें दी पर्दादारी खसलत रही ऐ अपनी,
खुशियें दा गीत कल्ले गाना असें निं आया।
चुमदी रही समें गी गैरत दी अक्ख म्हाड़ी,
जाबर समें दी नज़रें भाना असें निं आया॥ ✧