ग़ज़ल-17

नज़रें च दूई दे न्हेरे होई गे।
धुंदले तां सारे गै चेहरे होई गे।
कदें इक्के सांझी ही ए छत्त सारी,
ब, हुन बक्खो-बक्ख ए बनेरे होई गे।
जड़े दर्द बस्ती च सांझे हे स'बनें,
उ'थै दर्द हुन मेरे-तेरे होई गे।
बड़ी चर्चा आले ए उ'थै मैहल न,
सुन्ने होई गे, डिगेरे होई गे।
लगे गीत दर्दीले सुरकन मनै चा,
दर्द अपने बी किश घनेरे होई गे।
ए कु'न लोक न, न्हेरै तोसा दे रस्ते,
ते गांदे चलै दे- सवेरे होई गे।
कुसै हिरख कन्ने कुआली लेआ तां,
मलंगें दे उत्थें गै डेरे होई गे। ✧