यादें दे घेरे सौ बने, घेरें च जिंदड़ी आई गेई,
ओ बाँसरी बज्जी कुतै \! ओ चुप्प फ्ही छाई गेई \!
फ्ही कोई अंबर नमां, मेरे मनै ने तुप्पेआ,
फ्ही कुसै दी याद, बनियै चन्न मुस्काई गेई ।
चाननी निरमैल ही, खुशबुएं दे गल हार हे,
ओ रात ही-वीरानियें इच ब्हार मुस्काई गेई ।
राज़दारी \! राज़ मेरे दुखियें गी सौंपियै,
दाग, अपने गै भरोसे पर ही तूं लाई गेई ।
बीतियें ते धुंदलियें बत्तें प' रौला की पेआ ?
याद 'यारें' दी बड़ी घन-घोर पांदी आई गेई ।
बे-न्याईं निं जरी, ज़ुलमें गी कीता माफ नेईं,
जित्तो \! डीडो \! याद तुं'दी चित्तें गी गरमाई गेई ।