कंडें च फुल्लें दा भरम, फुल्लें च कंडें दा भरम,
चित्तै गी सौ संकोच पर, नैनें गी कोई निं शरम \!
नैनें च कैसा बस्सेआ आइयै कुतों दा ए भरम,
गल बांह पराएं ओपरें, अपने 'शा औन्दी ऐ शरम ।
सब सखियां ते नरमियां, जिन्दू प' जरदे रेह सदा,
चित्तै च रक्खी सांभियै, तां प्रीत ए इन्नी नरम ।
लक्खां भटकदे रेह कुतै, मंज़ल मिलै, मंज़ल मिलै,
राही दा अपना धरम ऐ, मंजल दा अपना ऐ धरम ।
\#\# Page 126
इक हादसे दी गल्ल दए हादसे पर मुक्की ऐ,
मौत दूआ हादसा, पैहला हा माहनू दा जरम।।