जिसदे घरै च दुक्खें दे न्हेरें दा डेरा ऐ,
उसगी दलासा दिन्दे ओ-सूरज ए तेरा ऐ\\\!
लोऽ बेही गेई मझाटै की, किज थाहर मल्लिऐ ?
न्हेरे दा घेरा ते अजें, दोहरा-तरेहरा ऐ।
न्हेरे च इक सनैहर-जन लीकर बनी गेई,
तारा कोई मलंग हा, फूंकी 'आ डेरा ऐ।
ए पक्खरां पलमोन ते नच्चन ए जोगनां,
निरलेप ऐ मसैहरा, उ'दा जोगी दा फेरा ऐ।
जोगी दा फेरा ए नेईं, कोई गल्ल होर ऐ,
इस गैहली कन्ने इन्ना की ए हिरख तेरा ऐ ?
\#\# Page 113
सौ कैदखाने भन्न पर, इक भेत दस्सां में,
बन्दी बनाया जिसने ओ, अपना गै घेरा ऐ।
नाटक ऐ तां पता नईं, नाटक ए कोदा ऐ,
चंगा जां माड़ा जो बी ऐ, किरदार मेरा ऐ॥