बेगार जड़ी ऐ उसगी ते, कोई आखी सकदा 'कार' नेईं,
हुन जचदा ए दरबार नेईं, हुन हुंदी ए बेगार नेईं।
मुस्कान्नां, नजरां, खुशबूआं, अंगड़ाइयां सब किज दूएं लेई,
सहाड़े लेई कोई रोहै दी, गुस्से दी नज़र बी यार नेईं।
धुखने कोला बलना चंगा, किज लोऽ होए, गल्ल मुक्की जा,
लग्गी जा गलै ने फूकी दे, जलने शा मी इन्कार नेईं।
सहाड़े कन्ने ए रोह-रोसे, तर्कां-मीहने सब बहाने न,
जेदे ने कोई प्यार नेईं, ओदे 'ने पही तकरार नेईं।
की हसचै अस ते की रोच्चै, दूएं दे हस्सने-रोने पर ?
जीने लेई नकली नाटक ए, करने दा ते इकरार नेईं ॥
\#\# Page 116