ए दुद्धै थाहर पानी गी, रिड़कदे-छोलदे की ओ,
जो गुं'जल नईं, उसी गुं'जल बनाइयै खो'लदे की ओ ?
इसी किन्ने गै बारी गालेआ ते ढालेआ मुड़ियै,
ए गैहने के, ते सुन्ना के, इसी हुन तोलदे की ओ ?
चलो तुस्सें चतर होए, तुस्सें गै मर्म सेही कीता,
जि'नें नईं समझेआ, उं'दा गुबर हुन खोलदे की ओ ?
इ’नें फुल्लें गी दिक्खो हां, सवेरा संज दिक्खो हां,
रंगोने दा मर्म सिक्खो, ए कच्चां घोलदे की ओ ?
जढ़ा आपूं नेईं बोलै, जि’दे शारे निं समझोए,
उं’दी चुप्पी गी समझाने गी इन्ना बोलदे की ओ ? ✧