ग़ज़ल-45

बत्ता दे बिखड़े पैंडै च सब गीत भुल्ली गे,
नि'ग्गे शुरु च हे बड़े, सब हिरख उ'ल्ली गे।
अपने मनै दी सौह़ग गै रस्ते दी सौह़ग ही,
सफ़रै च भरम केईं मिटे, केईं भेद खु'ल्ली गे।
ओ बी हे कने, ओ बी हे, थोड़े चिर ओ बी हे,
चेतें दी छट्ट भारी ऐ, पासे न ठुल्ली गे।
राह-रहांदू निम्मोझान हे, अनजान रस्ते हे,
धुप्पै च ढक्क चढ़दें दे फही बैर डुल्ली गे।
के-के सुनावैं दोस्तो, सफ़रै दा हाल हुन,
यारें दे पिछ्छें चलदे रेह, सौ बारी भुल्ली गे ॥ ✧