कवितां
ग़ज़ल
[ नज़राना ए-अकीदत ]
यूमे हुसैन पर
तारीकियें च नूर दी बरखा करै चंदर हुसैन,
ताबे ऐ मंज़ल जिदी, ऐसी ऐ राहगुज़र हुसैन॥
ए कर्बला, तीरथ-मकाम तेरी अज़मत गी सलाम,
तेरा ऐ परचम हुसैन, तेरी ऐ चादर हुसैन॥
कर्बला दी ओ शहादत, अमर जोती दा जमाल,
इन्सान दी तारीख दी अज़मत दा ऐ पैकर हुसैन॥
लश्कर मजीदी दी जगह तारीयां कि 'यां, वीरानियां,
गुले-लाला दी बहार, मुख्तसर लश्कर हुसैन ॥
राहे वफ़ा-दुश्वार ही, आसान आख़र होई गेई,
कीजे वफ़ा-शनासें दा, ओ आप ऐ रैहबर हुसैन॥
दिल मेरे दियें धड़कनें इच, किश सूरतां महफूज़ न,
इक सूरत डलकदी, तेरी बी ऐ दिलबर हुसैन॥
हक-परस्ती तै लड़े हे, डीडो बी ते जित्तो बी,
हक-परस्तें पर करम करदा र'वै सरवर हुसैन।
✧
जम्मू दे तलाड़ खड़ीकां च हुसैन दिवस (यूमे हुसैन) 22 अप्रैल 1991 ई० गी मनाया गेआ। इस च इमाम हुसैन गी बक्ख-बक्ख शख़्सीयतें पासेआ शरधांजलियां प्रदान कितिया गेइयां जिं'दे च मुख्य हे- कृष्णदेव सेठी, बलराज पुरी, प्रो० रामनाथ शास्त्री, सय्यद आबिद हुसैन जाफरी, मोहम्मद इसफाक शौग ते होर मते शैरदार। संज्रा अयोजत कीते गेदे मुशायरे च उर्दू शायरें च रामनाथ शास्त्री ने अपनी एह डोगरी ग़ज़ल पेश कीती ही