ग़ज़ल-88

जीने दा मरम समझियै, हसदी चली गेई,
अग्गी गी लपट गासा गी नचदी चली गेई।
जीने दा लु'ब्ब लम्म्मियें बत्तें च दुरै दा,
गैरत खुशी दे पं'गों पर उडदी चली गेई।
राजें दे गीत गंढने तै भंड़ सदे हे,
डींडो दी 'बार' आपूं गै बनदी चली गेई।
गि'ल्लू ऐ कसरी माऊ दी मालां फिरै दी नेईं,
असली दा आला सुनदे गै, नकली चली गेई।
जोबन, बढ़ापा धुप्प न भयागा ते संजा दी,
बधदी गेई ऐ इक्क, दूई ढलदी चली गेई।
सच्चै दी भाख इक्कली ही, इक्कला गतार हा,
झूठै दी रासलीला ही भखदी चली गेई।
बेशरम चौक शैह्रें दे, आपूं-चें पुच्छे दे,
गलियें दी लाज-शरम की घटदी चली गेई। ✧