रस्ते इच्च गै डेरे की ला करना ऐ,
की ए मंदर-मसीतां बनाऽ करना ऐं?
रास जित्थें लटोई तेरी प्रीतै दी,
अलख उस्सै दुआरै जगाऽ करना ऐं ?
ए घमंडी न, बोले न, धनवान न,
अरज जन्नी गी की तूं सुनाऽ करना ऐं ?
रूप किरणें दा दिक्खने देआ लोभिया,
मीत न्हेरें गी की तूं बनाऽ करना ऐं ?
गीत डीडो दा, जित्तो दा गा जोगिया,
केहड़े राजें दे गीत हुन तूं गा करना ऐं ?
साह_ घटोंदा ऐ तेरा जि'नें थाहरें पर,
तूं मना, उत्थें के लैन जा करना ऐं ?
प्रीत करदी ऐ बदनाम, सेहो हा तुगी,
इक्कै चु'ब्बा ने की तलमलाऽ करना ऐं ? ✧