ग़ज़ल-69

इक रसम गै सेही, पर की रसम पालचै,
न्हेरे न मन, उदास आं, की दीए बालचै ?
कंडें च फुल्ल खिड़दा ऐ, मुस्कांदी ऐ कली,
चित्तै च की निं ऐसिया हीखी गी पालचै ?
यादें दे नरम बैसका प' बैठे दे ठीक हे,
सद्दे दे आई पुज्जे ओ, कु'न कुत्थें भालचै ?
दीदल ए मन नखारदा, होखी गी छेड़दा,
आख्खै, निहालपें दे आ, दीएं गी स्वालचै ।
गलदी ऐ बर्फ, बनदी ऐ, फ्ही गलदी-बनदी ऐ,
की नेईं किसै सबब्ब अस, ज़िंदगी ए गालचै ?
लाडें पले दा चित्त ए तरकां करांदा ऐ-
सारे गै किरड़ होन तां के किरड़ तालचै ? ✧