ग़ज़ल-57

अजें अम्बर घनोता दा, अजें खतरे घनेरे न,
अजें जम्हूर दी किश्ती दे सफ़रै इच्च न्हेरे न।
खिज़र आईन अपना ऐ, खिज़र पर बत्त दसदा ऐ,
सफ़र औखे दे ज़ामन बस, कदम तेरे ते मेरे न।
चमकदी बिज्ज ए साथी, धरत प्यासी दा सहारा नेईं,
धरत प्यासी दी हीखी च घने बदलें दे फेरे न।
जिसी लोकें नेईं चुनेआ, ओ राजा राम बी ना, ना,
मिगी जम्हूर अपने दे ए न्हेरे बी सबेरे न।
असें हीखी ए कीती ही जे लोऽ देंगन, जां लोऽ दसगन,
मिले रैहबर मते उ'त्थै, जि'नें प्यारे ए न्हेरे न॥ ✧