गज़ल-53

बे-बसाही दा चलन चित्तें गी भरमाई गेआ,
कुफर फही लेइयै नर्मी सूरत ऐ यारो, आई गेआ।
चोर हे बस्ती च सारे, कोई बी हा साध नईं,
भेत कु'न जानी गेआ, ए तोहमतों कु'न लाई गेआ?
टेकदे हे मत्था सारे, बेही बसोन्दे छामां हे,
रुक्ख कु'न बड्ढी गेआ, ए 'थान' कु'न ढाई गेआ।
बाग लाने गी सबीलां सोचियै फुल्लो--फलो,
इक्क तुलसी दा हा बूटा, पानी बिन कलमाई गेआ।
ओ रेहा बदनाम, जिन्ने चिर बी जीन्दा ओ रेहा;
याद करियै हुन उसी अक्खीं च पानी आई गेआ ॥✧