ग़ज़ल-36

भरम पाले दे आपूं गै, ए सब उं'दी खुमारी ऐ,
उमर सारी गै बे-मैहरम करस्तें च गुजारी ऐ।
नजर लग्गी गेई कोदी, भजन करदे पुजारी गी,
गिनै करदा-- ए चान्दी ऐ, ए सुना, ए कनारी ऐ ?
तिलक लाओ सवेरै तां, ए आँगल कम्बदी रौह्न्दी,
कदें शीशा बी हसदा हे, पता नेईं के बीमारी ऐ!
जड़ी किट्ठी होई, जियां, क्वांसें नै चुनी-चुनियै,
'चलन' अपने दी ओ दौलत असें बुक्कें खलारी ऐ।
असल बी नेईं, नकल बी नेईं, ते बक्खरा बाहर-अन्दर ए,
पही अस के आं, ते तुस के ओ, छड़ी इक लोकाचारी ऐ।
चलै दा ऐ तां बे-मकसद, रुकेदा ऐ तां बे-मतलब,
में के आखां, खुमारी ऐ जां माहनू दी लचारी ऐ॥ ✧