परदा हटा ए साकी, तेरा शिंगार ल'ब्बै,
तेरे शिंगार अन्दर, मेरा लंगार ल'ब्बै।
मोमन ते काफरें दा तां फर्क यार ल'ब्बै,
जेकर 'फरेब'-काफर, कुत्तै संगसार ल'ब्बै।
जां नजर बदली गेई ऐ, जां बदली गेई दुनिया,
हर पासै आपराजी, बस मारोमार ल'ब्बै ।
भुक्खें दा नाच दिक्खी, पही दिक्खी बेहयाई,
तेरी खुदाई रब्बा ! मिगी शर्मसार ल'ब्बै ।
कुसगी सुनाएं रोइयै, उप्पर मना, के दिक्खें ?
धरती जलदी, अम्बर ओ ठंडा-ठार ल'ब्बै ।
कोदा बसाह-भरोसा, कु'न दिन्दा अज्ज ढोई,
जिसगी बी आला देओ, उ'थै लचार ल'ब्बै ।
बे-मैहरमी दी तौबा, रौले च तुप्पै करनां,
अनगिनत सूरतें चा कोई ते यार ल'ब्बै ॥ ✧